Aanamibia momadhewo goVolleyball koNdowishi

0
243

ONGWEDIVA-Onakuyiwa yuudhano woVolleybal oyili momake omawa nawa konima sho aagundjuka yaali aaNamibia ya mono ompito okukamona omadheulo gopombanda miikwamaudhano koshiputudhilo shomaudhano ko Germany.

Aagundjuka mbaka oyo ne Hilari Dux Imbuwa na Johonny  Martin , mbaka yaali oyali ya lalekwa kolutu oluwiliki lwomaudhano moshilongo oshiwike sha zako moshilandopangelo okuya koNdowishiho ka taya kakala momadheulo ngoka taga ka kwata oomwedhi dhili ntano.

Omadheulo ngaka oga unganekwa kolutu luudhano woVolleyball muuyuni okupitila moproyeka yehumitho komeho lyoVolleyball mu Africa ndyoka lya tseyika nawa Africa Dream project.

Mo mukokomoko goomweedhi ntano mbaka opamwe nayalwe yaza kiilongo yilwe muuyuni otaya ka pewa uunongo ngaashi okuninga aadheuli, uunongo momawiliko guudhano noshotuu.

Martin sho ayi moonkundathana nomutoolinkundana gwaKundana oowili dhontumba manga inaya munelomba okwati omadheulo ngaka ogeli eyambeko enene unene tu kuudhano moshilongo oshoka ngele oyamana omadhewo ngaka otaya ka longela kumwe nolutu lwomaudhano moshilongo opamwe nolutu halu unganeke omaudhano goosikola moshilongo okutopola uunongo mboka taya kalikola koNdowishi.

Martin ngoka atseyika nawa nedhina “Whiteman “ okuli gumwe gwaamboka ye li shi li yiitulamo mependulepo lyomaudhano moshilongo onkene okulishili apumbwa omadhewo okuhumitha ontseyo ye yomaudhano komeho oshoka kapena malimbililo oteya eyi topole noshigwana.

Moporohalama yawo omuna wo ompito okutalelapo Iiputudhilo yomaudhano ya yooloka miilongo yaEuropa oshinimashoka Whiteman ati oshi li onkundana ombwaanawa kaaholi yomaudhano moshilongo.

LEAVE A REPLY

Please enter your comment!
Please enter your name here