Build It a gandja iikutu yuudhano kElyambala Fc

0
228

ONGWEDIVA-Ewiliko lyOongeshefa dho Build it mOngwediva otali tsikile noku yambidhidha omaudhano moshitopolwa sho, ongesefa ndjika yali ya gandja iikutu yetanga kosipana Elyambala FC oshiwike shaziko.

Osipana ndjika oyili mewiliko lyomudhani omukulu gwOsipana yopashigwana noshowo Oshakati City, Cascas Angula.

Sho ali ta gandja ooshali kosipana ndjika Menega go Build It Jaco Robert okwa ti  Ositola ya Build It oya tokola yamanamo opo yi longe mpoka tayi vulu oku kwathela omaudhano uunene tu momudhingoloko moka haya ningile omalandithilo.

Tati shika oshi li oshilalakanenwa shOsitola ndjika okukwathela noku gandja koshigwana okashona hoka haya mono oshoka oye uvite kutya oshigwana osho ehukamugongo lyo Build It.

Osipana Elyambala oyali yapewa iikutu yetanga yagwana aadhani ayehe mbyoka yali ya taambwako ku Cascas Angula mpeyaka po Build it mOngwediva .

Cascas okwa ti Elyambala Fc otali ka longitha iikutu mbika nawa mependulepo lyomaudhano.

Nando Osipana ndjika oya thikamapo konyala maadhani aakulu na oyeli peemvula dhopombanda lela, Elyambala mewiliko lya Cascas olili tali dhilaadhila oku totapo oshiputudhilo shokuzula aanona aashona okuya longekidhila onakuyiwa yokatanga kokoompadhi.

Cascas okwa ti kakele koshiputudhilo otaya ka ninga wo iikonga yomaudhano okutaalelapo oosikola oku kwathela uunona uushona nomadhewo getanga lyokoompadhi.

Osipana Elyambala oya uvanekele Ositola ya Build It kutya otayi ka kala hayi kwathele pomaudhano ga Build It gwoosikola ngoka haga kalako kehe omumvo okugandja ontseyo yawo kuunona wosikola.

Ooshali ndhika odhali dha gandjelwa po Build It mOngwediva Olyomakaya gaziko.

LEAVE A REPLY

Please enter your comment!
Please enter your name here