Mr Chilly iikutha ishewe kohi

0
234

WINDHOEK-Omvalele yomOmandongo mOnayena, Lot Namalenga yatseyika nawa Mr Chilly osho ya pititha oalubuma yawo ontiyali tayi ithanwa Oshimaliwa Kashiwana.

Oalubuma ndjika yina ehwata lyoongalo 15 oya piti oshiwike shaziko, no tayi shi  enditha nawa palanditho lyawo.  Oalubuma ndjino oyi na omaludhi konyala goongalo adhihe hadhi imbwa kaaNamibia ayehe, naashino Mr Chilly okweshi ningi opo akwa telemo aaholi yoongalo yomapipi gayoolokathana.

Moalabuma omuna oongalo itadhi thigi omuntu momutumba ngaashi Otandi Katya ngiini?, ongalo yopambepo yi na etumwalaka nepulo lyuuka moshigwana kutya omayamukulo geni tamu vulu okukayamukula mesiku lyepangulo.

Mr Chilly okwa kwathelwa kuMakozee mongalo ndjika.

Moalubuma omuna woo oongalo ngaashi Okapana, Ndapanda, Kashiwana, Kowambo nosho tuu dhimwe oombwambwambwa.

Mr Chilly okwati opo a etepo oalubuma ndjika ina longa oye awike ashike okwa kwathelwa pakwiimba kaahikingalo ngaashi Mile, Allex & Shyer, K-Legend, Little Boy, Ama Daz Floor, Ndina naMakozee. Kiikwelengendje okwa longa pamwe naanawino ngaashi M-Jay, Villo, Tomy naDoctie.

“Kashali oshipu oku etapo oalubuma ndjika  oshoka osha pula okulonga nuudhiginini. Onkene otandi indile oshigwana shi yambidhidhe ndje mokulanda oalubuma ndjika yi na oongalo dhina etumwalaka lyatsa, dho tadhi nyanyudha omapipi agehe,” Mr Chilly tati ngaaka, ye tadhenge wo omuthindo kutya aayimbi ya longele kumwe opo oongalo dhaNamibia dhikale pamuthika gwopombanda.

 

LEAVE A REPLY

Please enter your comment!
Please enter your name here