Haipumbu oye ishewe Miss High School Namibia

0
312

WINDHOEK-Enzuna lyoomvula 19 Magdalena Haipumbu okuza kosekundosikola yaNehale, osho lyasindanapo oshikokoloni shokakadhona dhingi Miss High School North, ongulohi yOlyomakaya.

Vetondouua Kariazo ngoka ali akalelepo Otjozondjupa  okwa holoka pehala etiyali, omanga Maureen Kamwanga ngoka a kalelepo oshitopolwa shaKaras eya pehala etitatu.

Momumvo  2013, Haipumbu okwali ishewe asindana onga okakadhona dhingi Miss Young Kasi, omanga omvula yaziko ali a holoka pehala etitatu methigathano lyaMiss High School North, ndyoka lyali lya ningilwa konooli yoshilongo.

Noshikoloni she oshipe, Haipumbu ota ka kalela po Namibia methigathano ndyoka tali ka ningilwa moAmerica muApilili.

Omukwateli komeho methigathano ndika, Suoma Nuunyango, okwa ti ethigathano ndika hali ningwa kehe omvula ohali yambula po aanasikola aashona opo yi itule miinyangadhalwa ya yoolokathana ngele tashiya momanongelo gawo.

Okwa gwedha po ishewe tati, omanzuna ngoka gali ga kutha ombinga methigathano muka ogali gaza kiitopolwa omulongo yaNamibia. “Manga inaayaya methigathano lyahugunina, aanaskola mbaka oyali ishewe yapewa iinyangadhalwa ya yoolokathana ngaashi okutalelapo oosikola dhawo, noku gandja iipopiwa tayi tungu,” Suoma tati.

LEAVE A REPLY

Please enter your comment!
Please enter your name here