Msunday a imbi ishewe okangalo ke

0
215

WINDHOEK-Omvalele yaWalvis Bay, Indenikuye Shuudeni ngoka a tseyika nawa nedhina Msunday osho a imbi ishewe ongalo ye Afro Pop yedhina She said no more.

Ongalo oye ya onga ehwahwameko lyoalubuma ya Msunday yedhina Master Mind  ndjoka tayi piti kuyele nuumvo. She said no more ongalo ndjoka ya piti nokavidio kawo hoka kathaanekelwa moWalvis Bay, nokeli ta ke shi enditha nokuli nawa moradio yomuzizimbe ya NBC.

Ongalo ndjika oyo yimwe yina etumwalaka tali tungu, notayi kumagidha aakwashigwana opo ya ethe iikulumuna, osho woo iikolitha.

Msunday okwa tseyika nawa noalubuma ye ontiyali ndjoka yedhina Stop Crime, ya pitithilwe omvula ya piti.

Oalubuma ndjika oyo yimwe yali yemupetha oshitalenti shili pomuthika gwopombanda, no ye mu simanekitha ishewe unene kaakalimo yomoMbaye.

Msunday okwati ngashingeyi okwa manga ishewe uukuni pamwe nakuume ke J.S opo ya ninge oalubuma pamwe naye ndjoka tayi ka ithanwa Real, yi na oongalo dhatsa ngaashi Ombwela, Gwamanguluka, In Apala na She is like a Vacuum.

Molwashoka omunwe gumwe ihagu itombola ona, Msunday okwati oshapumbiwa opo aahikingalo ya longele kumwe yo ya tule ehangano lyoongalo lyaNamibia pamuthika gwopombanda.

LEAVE A REPLY

Please enter your comment!
Please enter your name here