Oateletika nayi galukile  moosikola

0
206

WINDHOEK – Omutondoki a simana moNamibia okwa ti ngele Namibia okwa hala a kale nedhina ongo oshilongo shina aadhani omanyakwa muuyuni nenge oshilongo shoka hashi vulu okuthigathanapo niikwawo muuyuni nena osha pumbiwa omuthika guudhano moosikola gu ndjekwepo.

Ngaka omadhiladhilo gaFrank Frederick omutondoki pomuthika guudhano wOlympika ngoka a popi omasiku gaziko moVenduka kutya ehunyamo mokudheula aadhani mokutondoka moosikola osho shimwe shomiinima mbyoka tayi nkundipike oshilongo oku mona iitalendi iipe momaudhano gokumatuka.

Fredericks  ngoka a li omudhani gwokomeho mospana yetanga lyokoompadhi yoBlack Africa ina lila okathima koluko moku gandja ombedhi ke gwopevi lyomuthika guudhano wokumatuka eyi pe okwaana eitulemo mokati komanongelo okudheulila aanasikola uudhano wokumatuka.

“Petameko otandi thaneke kutya oosikola adhihe nadhi thiminikwe opo dhi galulile mo oshilongwa shomadhewo gopalutu momanongelo,oshilongwa shika nashi kale wo tashi dhengele, kokutya omulongwa kehe okuna okukala eshi na okuza tuu pondondo yoprima sigo okondondo yopombanda momanongelo gopetameko.”osho omusindani gwombandi yoshisiliveri yOlympika a thaneke.

“Tse otwa li tuna elago ,molwashoka aalongi yetu nonando oyali inaa ya dheuka nawa oshowo yaana uunongo wopombanda mbaka oya li yiitulamo mushoka ya li taye tu longo.Ongaanasikola otwa li tuna omaludhi ogendji gomaudhano moka twa hogolola mboka twa li twa hokwa nonando iilongithoyetu kaya li yipomuthika gwo  kolela.”

Fredericks omuntu oto ti okwa valwa omunelago  oshoka okwa li ha ningi nawa moludhi luudhano kehe moka akutha ombinga , a li omudhani gworugby, okumatuka oshowo okwa li hadhana nawa etanga lyokoompadhi,sho ali hadhanene ospana ye yomuugundjuka yo Black Africa.Okwa li  wo a  kalelepo oshilongo she methigathano hali kondjelwa lyedhina South African Provincial Impala Cup.Ookola ndjoka a tulamo oya li sindanitha South West Africa wali haudhanwa konima yomimvo mbali waadhani yaashi yopaithano methigathano lyomomumvo 1984.

“Omukalo gumwe ashike tagu longo opo aatondoki yetu naadhani yiitopolwa yimwe yoatletika osho okutamekulula nedheulo lya kwata miiti naadhani yoatletika moosikola dhetu.Pethimbo ndika ondi wete kutya orugby moosikola otayi ende nawa ndele nee omaudhano galwe ogeli konima unene,oshoka ngele owa tala monakuziwa oshikondo shetanga lyokoompadhi osha li hashi mono aadhanitanga aape okuza maadhanitanga yomoosipana dhomomanongelo, ihe nena otashi nikitha oluhodhi kutya shika ka shi li we ngaaka pethimbo ndika.”

 

LEAVE A REPLY

Please enter your comment!
Please enter your name here