Oluteni ola kuma noinamwenyo

0
306

ONGWEDIVA – Ngeenge odula inai loka vali, oluteni loneude otashi dulika li fininike epangelo li ka kufe oshimaliwa mondjato okupalula oinamwenyo yomofuka oyo i li meenhele da amenwa.

Edi, oda tumbulwa komunambelewa omukulunhu woshikondo shefiloshisho loushitwe  woinamwenyo, Chrispin Konkwena. Odula ya dja ko oinamwenyo oya kala nomwiidi kate opexulilo lodula kakele kaai hai li omafo oixwa ngaashi eenduli, eeholongo otashi dulika i ka fye ondjala ngeenge odula inai loka ya diinina.

Noinamenyo hai li omwiidi ngaashi eenyati, eemhalala, eemhinda nayo oya tameka okunyanga oikulya komikunghulo yoitauwa molwa ondjala yoneudo.

Okwa weda po kutya, ngeenge oluteni ola monika kutya ola diinina nena epangelo ohali dulu kutembulila oinamwenyo yomaludi yomwaalu wonhumba keenhele oko ku na ounapelo u li nawa. Konkwena ota ti, neudo onghalo ngee oya twikile ngaashi ili,  nena epangelo otali kakatuka onghatu okuhavaleka oifitukuti oikulya hai tulwa peenhele opo pe shiivike hapa ongala oifitukuti ihapu meenhele doinamwenyo

Konkwena ota ti, kakele koinamwenyo i li meefaalama dopaumwene omukunghulo woshitauwa shopokati koTsumeb fiyo Okahandja ovanafaalama veefaalama dopaumwene ova deulwa okuninga omalongekido efiloshisho pamufika muwa woinamwenyo meefaalama davo. Epangelo ola dika po oikunino yoinamwenyo i li mefiloshisho ya yooloka i li pamufika wopombada mu na omeva, oikulya  ngashi mEtosha moshitukulwa shaShikoto, Waterberg moshitukulwa shaOtjozondjupa, Kaudom National Park na Nkasa Lupala National Park moshitukulwa shaZambezi.

Kakele koikunino yakula natango epangelo ola dika po eenhele doinamwenyo mewiliko lovakwashiwana omo oshiwana sha kufa ombinga mefiloshisho loinamwenyo ngaashi: King Nehale nEkango lomongwa moshitukulwa shaShikoto, Okongo conservancy moshitukulwa shaHangwena, Ipumbu yaTshilongo moshitukulwa shaShana noRuacana conservancy moshitukulwa shaMusati.

LEAVE A REPLY

Please enter your comment!
Please enter your name here