Otonamenda ya Uukule oyali kamana

0
330

ONYAANYA – Osekundeskola yUukule mOnyaanya oyali ya longekidha uudhano wawo wokomumvo ngaashi naanaa haye shi unganeke shito. Otonamenda ndjika oyali ya ningwa ehuliloshiwike lya piti.

Omuunganeki gwomaudhano moskola ya Uukule, Joseph Haufila okwati otonamenda yawo ndjika yokomumvo oya ende nawa lela pamulandu oshoka oosikola adhihe konyala ndhoka yali ya hiya odhali dha holoka lela momwaalu omunene.

“Otwa li twa hiya konyala oosikola adhihe dhili miitopolwa yaWambo opo uunona wetu wuye pamwe wo wu tale nkene uudhano hawu dhanwa, Oosikola 26 odhali dha kutha ombinga muudhano ngaashi etanga lyomokambamba,etanga lyokoompadhi lyaamati naakadhona,oshowo ovolleyball mono aathigathani yali taya dhana lela etanga no ku ulika iitalenti yawo,” Haufila tati.

Uudhano mbuka owali wa ningilwa pokapale ketanga mosekundeskola oyo tuu ndjika. Aadhani oyali taya dhana pwaana ezimbuko oshoka kehe gumwe okwali a hala oye a kale dhingi ye a faalele ekopi noshindji kosikola yawo.

Oskola yaIpumbu oyo yali ya dhengemo oosipana adhihe dha kuthile ombinga muudhano wokatanga kokoompadhi noyali ya sindanapo ekopi oshowo okapandi kooN$1100, Ponhofi okwali eya puutiyali nokwa pewa oshimaliwa shooN$600 omanga Gabriel Taapopi a pewa 500.

Muudhano wetanga lyomokambamba osikola yaHaudano oyo yali yeya kadhenga sho ya dhengemo oosikola adhihe noya sindanapo ekopi oshowo oshimaliwa shooN$650, GT oyali yeya puutiyali noya pewaN$350 omanga osikola ya Uukule yoyene ye etelele okano noya mono N$200.

Okatanga kokoompadhi kaakadhona okali kasindanwapo kosikola yaUukule noyali ya pewa  ekopi noshimaliwa shooN$600 omanga Rev Juuso Shikongo a mono N$200. Omakanda gomosekondele yaUukule ogali geshi ulike kutya go ohaga vulu oku nuka noku umba okatanga moshili sho ga sindanapo ekopi lyovolleyball noshimaliwa shithike pooN$600 omanga osikola ya Rev Juuso Shikongo ya etelele okano noya pewa N$200.

Haufila okwa pandula oosikola adhihe dhali dha kutha ombinga muudhano mbuka ta holola kutya uudhano mbuno nonande haye wu longekidha aluhe komumvo mbuno owo wali kamana,ta pandula oosikola adhihe dhali dha kutha ombinga no ku ya indila ya kale no ku longekidha omaudhano gatya ngeyika kehe ethimbo opo aanaskola ya mone ompito yokwiiyuvitha nawa. Ta pandula aayambidhidhi ayehe yeya kwatha opo ya pitithe otonamenda yawo ndjika.

LEAVE A REPLY

Please enter your comment!
Please enter your name here