Ovanafaalama vaMangeti otava hoolola ewiliko lipe

0
196

ONGWEDIVA – Omupedunashipundi wehangano lovanafaalama novalimimapya koumbangalanhu woshilongo Shali Kamati, okwa shiva ovanafaalama novalimimapya oilyoMangetti Farmers Association koshoongalele shavo.

Oshoongalele  shomuMaalisa 07, 2015 otashi ongalele petala  loshilongo shaNdonga potundi 09:00 okuhoolola ewiliko loule wodula. Ta holola kutya, okudja ketoto lehangano 1997 onghee li lile po okupopila ovanafaalama momaudjuu newi limwe, okuva pukulula nghee ve na kumuna oimuna pamukalo wopashinanena nonghee ve na kukandeka omikifi domikwayu koimuna oshoyo okulonga omapya . Mangetti Farmers Association ehangano tali kwatakanifa ovanaimuna nookaume ovashiivinawa melongelo kumwe novanafaalama.

Omupedunashipundi ta yelifa kutya, omunafaalama keshe okwa manguluka kuninga eindilo loukwashilyo kongudumutima shamha ashike e na okakalata nokwa futa oukwashilyo. Oilyo ipe otai futu okakalata noukwashilyo $170.00. Oilyo oi na oufemba wokukufa ombinga mehoololo, kakele ookaume novayambididi efinamhango inali va pa oufemba wokuhoolola ewiliko oshoyo ovo ve li meendodo dewiliko leengudu deepolitika kavena kukufa ombinga momahoololo molwa okuhatwa kumwe kwa shakenekwa mewiliko lehangano monakudiwa.

Ehangano otali tu ovanafaalama omukumo  va hoolole ewiliko tali dulu okukundafana nepangelo mokukalela po ouwa wovanafaalama .

LEAVE A REPLY

Please enter your comment!
Please enter your name here