Ta pula edhina lye li yelekwe

1
391

EVULULUKO – Omukiintu omukalimo gwomolukanda Evululuko mOshakati okwali a holola okwaa uvite kwe ombili omolwa onkalo ndjoka yiiteyele molukanda lwawo moka.

Meme nguno a tseyika owala nedhina Hilma Wilbard okwa hokolola kutya mosoondaha pethimbo lyomutenya manga a kuutumba mokamuti keli meni lyohofa ye, opwali pwe ende omukadhona ti ipopile ye ti igidha anuwa tati “aalodhi mevululuko otuna kuya manamo, okwali anuwa ta popi ndhika sho ta piti pegumbo lyomukulukadhi nguka.

“Onda kala ngaa nda kuutumba mokamuti kandje moka sho omukadhona ngoka naye hazi molukanda lwetu e ende ta popi ndhoka,nokonima okwa kaza ishewe omumati gwaandja wo yomukadhona ngoka eendepo tango na ye ta popi kutya  aalodhi mevululuko oyena ku ya manamo, yo mbano ayehe ohaya zi mookapatashu yetu,” Tati ngaaka.

Omukulukadhi ta hokolola kutya konima sho mboka ye endepo okwa kaza omumati naye hazi molukanda moka,ngono anuwa a humbata okandini,omumati ngoka anuwa okwali a pula a ulikilwe osheelo shegumbo oshoka okwa hala eye a popye na meme Hilma ngoka.

“Ondali nda lombwele omumwandje ngono twa adhika tuli naye megumbo opo a ulikile omulumentu ngoka osheelo,sho a thiki megumbo okwa tameke ta dhengendje nenkawa kolupanda naasho ndemu pula kutya ota dhengelendje shike okwali a yamukulandje anuwa okuna ku dhengandje oshoka ngame omulodhi no handi lala tandi mu dhanene,” Mee Hilma ta ti ngaaka.

Ta hokolola kutya okwali a pula kutya omulumentu ngono okwa mono ngiini kutya oha lala ta dhanenwa komukulukadhi ngoka, anuwa okwali a lombwelwa komuprofeti gongeleka yiiveva kutya anuwa oha lala ta dhanenwa ku meme ngoka gomEvululuko.

Omukulukadhi nguno okwali a hadhukapo etayi megumbo opo eki ipatelemo ashike omulumentu okweya ta thangapo omiyelo dhegumbo lyomukulukadhi tati oshilodhi okuna kushi talitha nawa.  Anuwa omulumentu nguno sho a nyengwa ku patulula omiyelo dhegumbo okwali a kutha uumate awuhe mbono wali piiyelo yoondunda etewu tile omahooli ngoka gali mokandini hono omukulukadhi ali eshi omuna omagongo.

“Konima sho a tile omahooli ngoka posheelo shondunda yimwe okwa hwameke omulilo,go gamwe ngono ga hupu mokandini otega tile omumwandje ngoka nokuhadhukapo, ye ti igidha ihe tati anuwa okuna ku dhipagandje negumbo lyandje ote li fikepo alihe, ondali nda kugu noku ithana opolisi nookadhimamulilo mbala opo yeye ya popilendje moshinima shika, Oya thiki mbala noye mu adha eli maandjawo,” Ta gwedhapo ngaaka.

Meme nguno otati ngaashingeyi okuli momalimbilo nokwa hala edhina lye li yelekwe moshinima shika, ye nomuprofeti ngoka a popye kutya okwa mono ngiini kutya mee Hilma omulodhi. Ta hokolola kutya okuna uumbanda ngaashingeyi oshoka nomolukanda aantu kaye nawe ombili naye,yo otaye mu ithana omadhina, yo anuwa aakalimo yomEvululuko sho ya gongala esiku ndyoka anuwa konyala ayehe otaya igidha kutya aalodhi ayehe mevululuko oyena ku pwamo,ye kena we aashiinda.

Tati ando okwali inaa mona omulilo ngoka mbala ando okwa kanithilamo iinima nomaliko gaantu oyendji,oshoka ye mwene omuhondji. Omulumentu nguno okuli momake gopolisi yaShakati ngaashingeyi a patululilwa oshipotha shomahepeko oshowo omatilitho.

1 COMMENT

LEAVE A REPLY

Please enter your comment!
Please enter your name here