Aanamiibia ihaya pandula -Namwandi

0
290

ONDANGWA – Minista ngoka eli po kuhulitha po oshilonga she shuuminista wElongo David Namwandi okwa nyeyetele Aanamibia ta ti iha ya pandula.

Sho ali ta taamba ko omatungo ngoka ga pewa Uuministeli wElongo kehangano lyoontauki muuyuni, ano oUNHCR pOlukolo Primary School mOshana, Namwandi okwa ti epangelo lyaNamibia olya kambadhala olwindji okuhwepopaleka elongo moshilongo, ihe nonando ongawo, oyendji onkene ngaa taya tsikile oku gandja uusama kepangelo, ta ya ti elongo moshilongo kali li nawa.

“Aantu ota ya ningi owala omakudhilo, gamwe gomomakudhilo ngoka oge liwe konima kopolitika, omanga yamwe otaya ningi owala omakudhilo, yo kaayena owino washa, kaye shi sho ta ya ti .

“Okuza tuu mo1990 sho twa li twa ningi egano kutya itatu ka pitika we nando opo tu kolonyekwe, otwa tanununa mo oshikondo shelongo moshilongo noku kutha po ongamba yuukwamuhoko nuukashike ko okantu ndjoka ya li ya tulwa po kepangelo lyokatongo, notwa eta po elongo lyaayehe. Ashike natango opena aantu mboka ina ya hala okuuka komeho, nomadhidhilo gawo natango ogeli monakuziwa nomolwaashoka natango ta ya tsikile nokupopya kutya oshikondo shelongo moNamibia osha vundakana. OoTomas mboka iha ya itaale ngele ina ya mona na ya kale ye shishi kutya elengo lyaNamibia olya huma komeho, nota li ende noku hwepopala esiku nesiku,” Namwandi ta ti.

Namwandi ta ti oshigwana shaNamibia nashi dhimbulukwe kutya shimwe shomwaambyoka ya eta opo omupresidende Hifikepunye Pohamba asindande epapa lyongushu yoomilionaN$58, uuwanawa nenge ehumokomeho lyelongo moNamibia.

Namwandi ta gwedha po ta ti elongo olili shili ponkatu mpoka tali koko nawa, nota li endekululwa mpaka naampeyaka, ashike shika osho shi li muuyuni auhe.

“Elongo osho lili ngaaka, iha li ethelwa, olina oku kala tali endekululwa nokuukililithwa ethimbo nethimbo. Omasiku ngaka otweya po nomusindalandu omupe gwelongo ngoka ogo guli kamana, aalongi yetu ota ya longo nawa, nonando taya idhidhimikile onkalo ondhigu moka haya longo, ashike natango ope na owala aantu yalwe ta ya nyenyeta kutya elongo lyaNamibia kali li nawa. Oshili, oshigwana shaNamibia osho oshigwana ihaa shi pandula!” Namwandi ta nyenyeta ngaaka.

LEAVE A REPLY

Please enter your comment!
Please enter your name here