Blue Waters,na  Shipanga mekondjithathano lyetopoko

0
270

WINDHOEK – Ehulithopo lyiilonga yokudheula ospana yoLHU Blue Waters oshilanduli shokudhengwamo kwospana ndjika muudhano wekopi lyoBid vest.

Omudheuli omukuluntu gwospana ndjika Paulus “Wire” Shipanga newiliko lyospana oya topokathana momukalo gwaali nawa sho kehe ombinga tayi gandja ombedhi kombinga onkwawo, kutya gumwe oye ena sha metekepo lyekwatathano lyiilonga ndyoka.

Okluba oya ti Shipanga ngoka ali ha dhanene ospana yoBidvest Wits  University okwa tindi kutya oye a tseyitha tango okuthigapo iilonga kwe mosipana ndjika. Shipanga okwa ti ewiliko lyosipana otali ngungunine oshili na okwa ti nali popye oshili yoyene.

“Na ya popye oshili no ina ya kala taya holama konima yomaipopilo ganathangwa, oshoka yo oyo ya tumine ndje omushangwa gwokutidhwa miilonga moompadhi oontalala,’ osho Shipanga a popi. Pulakena kwaangoka ta popi. Tangi kwaashika yalumentu. Ihe ondi uvite olyo ethimbo okukeendapo nawa. Otandi thigipo iilonga ongo omudheuli.osho etumwalaka ehupi lya lesha kongodhi yopeke ya Shipanga.

Aatseyinawa oya ti ewiliko lyospana ndjika olya uvithwa nayi kehogololo lyospana ku Shipanga ndjoka ya fala opo ndjika yi dhengwemo muudhano wekopi lyo BidVest kospana yetanga lyokoompadhi ya U   nam.

Oonzo dhopopepi nUudhila odha ti omunambelewa gwospana ndjika, Hafeni Ndemula ngoka woo ye Omunashipundi shewiliko lyoshitopolwa Erongo okwe ya manga ospana ya li tayi idheula mEtitatu  inaa ithanwa komuntu. Okwa ithana Shipanga pooha noku mu pa omushangwa gwetidho ngoka gwa koleke kutya okwa kuthwamo miinakugwanithwa ayihe yi na sha nospana ndjoka meni lyoompadhi oontalala.

Shoka Shipanga okwa li a kuminwa oshinima shika okwa li a hala okuuva nawa kombinga yetokolo ndyoka, naashika anuwa osha fala mpoka kutya mbaka yaali oyi ikwata miikaha yafa taya kondjo.

Mboka ya li po oya koleke kutya ehilathano ndyoka olya ningi ewinayi sho Shipanga ngoka a li a geya noonkondo  a tuulapo ombapila ndjoka a pewa ku Ndemula nokwa dhenge wo omuyenda gwe anuwa nenkawa ndyoka lya gwithako omakende ga Ndemula komeho.

“Omolwashike yena okupandje ombapila yetidho miilonga ngele nani ongame nda ethapo iilonga kungame mwene.? Osho Shipanga a pula a hala oku fatululilwa nawa.

Shipanga okwa etelwe mospana ndjika onkolonkolo omumvo gwayi  ongo omudheuli a pingenepo mbushe Lucky, na okwa li a  dheula noku wilika nawa ospana ndjika yaadhika tayi kulupa  noku yi nyashapaleka muudhano wayo.

Ndemula sho a pulwa a tye ko sha kehokololo ndika okwa li ta henuka no ina popya ko sha oshindji kutya oshike naanaa shaningwapo, kakele koku zimina kutya opwa li okwaa uvathana pokati kospana na Shipanga. Ina vula wo okukoleka ngele okwa ningila Shipanga oshipotha shedhengo..

“Pethimbo ndika oshi li ngeyi kutya inatu dhiladhila manga natango oku enda ondjila ndjoka oshoka  oshinima shika otashi konakonwa manga natango kewiliko lyospana, ihe otatu ka tyako sha kwaashika mbala’ osho Ndemula a popi kee uvite nawa .

Okluba ngashingeyi oya ulike omudhani gwayo gumwe omukulu  gwokomeho opo a kale omudheuli ethimbo ndika omanga omudheuli gwethimbo alihe ta kongwa.Armando Pedro omvalele yAngola ota kala ta kwathelwa  kaadhani nale yatatu yoo Knowledge Ipinge, Zico Shiningayamwe nomudhani omukulu gwokonima Fisher Kalimba.

“Wire”, ngaashi Shipanga eshiwike nawa muudhano wetanga lyokoompadhi okwa li eshi pondola okugaluko ospana yUudhila ndjika korelegation eshi ningi toti osha pitile meyulu lyonane omumvo guudhano gwaziko.Omudhani nale gwospana yopashigwana yoBrave Warriors  okwa pewa epole kutya okwa etamo elandulathano nengungumano mokati kaadhani aagundjuka yospana ndjika yo Blue Waters  oyendji yaambaka kayena ontseyo ya gwana nawa natango.

LEAVE A REPLY

Please enter your comment!
Please enter your name here