Nekongo a gandja ondumetama kaanasikola

0
258

ONAYENA – Aalongwa mboka ya shangele ekonakono lyomondondo onti-10 omumvo gwa piti (2014) mosekundeskola yaNehale,oyali ya uvanekelwa ondumetana kukansela gwoshikandjohogololo Onayena  ngele oya piti noopelesenda 100 .

Pethimbo ya shanga omakonakono gawo pehulilo lyomumvo oyali ya uvaneke kutya otaya ka pita nawa ayehe ekonakono no ku gandja iizemo iiwanawa.

Kansela Max Nekongo okwali a gandja omagano kaalongwa mbaka gondumetana opo mbaka ya tyapule iiyimati yiilonga yawo mbyoka.

Nekongo shino okwali eshi ningi ongula yetitatu lyoshiwike shika pethimbo aanona taya ningilwa owandaha. “Omasiku hamale sho ndali nda ningi   euvaneko lyandje, nonena ondeya ndi gwanithepo shoka ndali nda uvanekele aalongwa yandje mboka ya longo nuudhiginini noya piti niitsa iiwaanawa lela tayi hokitha,onda pandula unene oshoka nane omwali mwa gana komeho gandje nogaalongi yeni omumvo gwayi kutya amuhe otamu shi pondola naashono sho iizemo ya holoka oyeshi ulike,” Kansela Nekongo ta gwedhapo.

Kansela ta pandula aalongwa ethele ote ya pe omagano.Aalongwa mboka sho inaaya ethela oohapu dhe pevi ,yi itula mudho noku dhi pulakena,no inaya hepeka shoka ya pewa kaavali.

Tati aavali naaleli oyeshi nyanyukilwa noonkondo. Okwa kumike woo mboka yeli mondondo onto-10 ngaashingeyi opo ya huleko oongaku yo ya kuthe oshiholelwa oshiwanawa nayo ya ka pite niitsa iiwanawa ngaashi mboka yomumvo gwa piti.

Okwa kumike woo aalongi naaniilonga ayehe moseko yaNehale opo ya longe iilonga yawo nuudhiginini yo ya gandje etumwalaka ewanawa kaanona, noku ya pukulula miilongwa yawo opo ya kale aanaskola aawanawa noyena ongushu moshigwana oshoka oyo oongudhi dhokomongula.

Omukuluntuskola moNehale Elifas Imene okwa ti omumvo gwayi mondondo ontimulongo omwali aalongwa yeli 87, yo ayehe oyali ya kuutumbile ekonakono lyahugunina lyokomumvo noku wayukamo niitsa tayi hokitha no inaamu ndopa nenge gumwe. Imene tati oya kambadhala ngaashi taya vulu opo ya gandje elongo ndyoka lya pumbiwa kaanaskola yawo,yo ya ka vule ya kale aaleli yokomongula.

Aanaskola oshowo aalongi oyali ya gongala nawa opo ya taambeko omagano ngaka ya pewa komuleli gwawo oshali ,naashino oshazi kiilonga iiwanawa yeyi longo  oshoka omuntu kehe owi ilongela okupandulwa mpoka wa longa nawa. Oyali taya ligola yo taya pandula ongombe yawo ndjoka.

LEAVE A REPLY

Please enter your comment!
Please enter your name here