NSFAF a ninga oshoongalele shovakufimbinga

0
381

ONGWEDIVA – Namibia Students Financial Assistance Fund (NSFAF) ehangano lokukwafela ovalihongi va pumbwa oimaliwa yofuto yofikola, yomambo, yonhele noyokukandula po eemhumbwe dehongo koiputudilonongelo yopombada ilo keefikola doungoba meni ilo pondje yoshilongo ola li la ningi oshoongalele konooli yoshilongo.

MuMai 2012, ehangano eli ola li la pewa oufemba li  i fikamene okudja kepangelo. Edi, oda kolekwa komunambelewa omuwliki woNSFAF, Hilya Nghiwete, pomhito yotete yeyandjo lomauyelele moHifikepunye Pohamba Campus mOngwediva moshitukulwa shaShana.

Nghiwete ta holola kutya, 1997 epangelo okupitila moshikefa eshi ola futila ovalihongi 1 284 eemiliyuna 26,1 ofimbo momudo 2014 oNSFAF oya futila ovahongwa 9 426 eemiliyuna N$977,2.

Oshoongalele shotete muMaalitsa neudo omwa li ovaleli veengeleki, ovaleli vopamufyuululwakalo, eekansela novalihongi voovene pamwe novahongi va shiive eemhango doshikefa .

Nghiwete ta weda po kutya, ova tameka nOshana eshi shi li ponomola onhivali mouhapu wovalihongi ya landula oshitukulwa shaKhomas shi li ponomola yotete. MoHifikepunye Pohamba Campus omu na ovalongwalongi ve li le peepelsenda 97% mongudu 1,500 yovalihongi va futilwa koNSFAF itava alula oimaliwa konima yeihongo. Odula ya dja ko, ovalihongi vomOshana va futilwa eemiliyuna 8,8 koshikefa ove li 294.

Ehangano ola tula po omulandu wokuyambidida she lixwa po ovo tave li longele oulongi, oundokotola nomaifanohongo a pumbiwa moshilongo a kwatela mo oilongwa yopaunongononi, kakele ovo tavi ilongele omaifano a pumbiwa ihava alula oimaliwa. Omulihongi opo a kwafelwe oshimaliwa, oku na kukala a wanifa po oiteelelwa ya tokolwa kehangano. NSFAF oha dulu nokufutila ovalihongi tavi ilongele pondje yoshilongo.Nghiwete ta holola kutya ehangano ola andjaneka oitaimbelewa moitukulwa 13 yoshilongo notali ka yeulula diva ombelewa moshitukulwa shaKavango ushilo. Okwa kunghilila ovo va pewa omukuli va pita ndele ohava longo va tameke kufuta oshimaliwa shi kwafele ovo opo tavi ihongo.

LEAVE A REPLY

Please enter your comment!
Please enter your name here