Omudheuli omukuluntu gwa United Stars a thigipo iilonga

0
226

RUNDU- Omudheuli gwospana yomoRundu yedhina  United Stars okwa thigipo iilonga yuudheuli Omaandaha oshiwike shika.

Paul Mallembu, okwa ethapo iilonga mbika shoka anuwa ewiliko lyospana hali idhopomo moshinakugwanithwa she shoku hogolola aadhani mboka yena okudhana esiku ndyoka lyuudhano. Mallembu okwa hulithapo iilonga ye yokudheula United Stars Omaandaha oshiwike shika konima sho ospana ndjika ya dhengwa iikando yili ine ya landulathana muudhano woliha yethimbo lyuudhano lyomumvo 2014 /2015 yoNamibia Premier League (NPL) ati  “Osha li ondjila onde yomathimbo genyanyu oshowo omathimbo guudha omashongo,’.

Ospana ndjika yoUnited Stars oya dhengwa ishewe ehuliloshiwike lyayi  koospana yo Civics oshowo ndjoka yo Citizens.

Omudheuli nguka ena onzapo yokudheula  ya gandjwa ko International Federation of Football Associations’ (FIFA) yo ndondo yaA okwa ti okwa ethapo iilonga yokudheula ospana ndjoka omolwa onkalo yiilonga nekwatathano  newiliko lyospana kaalili nawa.

Okwa ti eidhopomo olindji lyewiliko lyospana miilonga ye yoku hogolola aadhani olyo etompelo enene ndyoka lye mu ethitha iilonga mbyoka. Omudheuli nale gwosipana yopashitopolwa shaKavango yaadhani yokohi yomimvo 20 okwa ti okwa topoka nospana ndjoka molwashoka ndjika kaya li tayi gwanithapo iilonga neuvaneko lyayo ngaashi lya nyolwa meuvathano lyiilonga.

Nando ongaaka okwa pandula aayambidhidhi yospana oshowo iilyo yospana molwa eyambidhidho lyawo lyaana etengauko pethimbo ye a li omudheuli gwospana ndjika.Kapitiya gwospana ndjika yoUnited Stars,Miguel Manaza okwa koleke kutya Mallembu  okwa thigapo iilonga yuudheuli nokwa ti omupopiliko gwospana Daniel Namwira oye takala mewiliko lyospana manga sigo omudheuli omupe okwa monika.

Namwira okwa koleke wo kutya Mallembu okwa ethapo iilonga mokutseyitha okuzamo kwe Omaandaha.

Shika hasho shotango Mallembu ta topoka nospana ndjika, oshoka omumvo guudhano gwo 2011/2012 okwa li wo a ethiwa ongo omudheuli gwospana ndjika nonando oye a li a longo nuudhiginini oku fala ndjika koliha yoNPL.Okwa li eethiwa keena iilonga oshoka ospana kaya li tayi vulu okumufuta ondjambi ndjoka a li ta pula.

Otaku hokololwa kutya Mallembu okwa li ta indile a futwe oodola omayovi N$5 500 ihe ospana oya li ya ti otayi vulu ashike okumu futa oodola omayovi gaali. Eyo lya Mallembu olye ya pethimbo aadhani ya li ya indile opo nguka a kuthwe miilonga po pu ulikwe omudheuli gumwe ngoka iitula shili miilonga  yokuwilika ospana.

Aadhani mbaka oya indile opo omudheuli nale gwospana ndjika, David Snewe a galuke molwashoka kaya uviteko kutya omolwashike a li a kuthwa miilonga mbyoka pehala  lyotango.

Snewe, ngoka a li a kondjo opo okluba ndjika yi kale natango moliha yopombanda okwa li a kuthwa iilonga ye, anuwa ishewe molwashoka ospana kaya li tayi vulu okumufuta ondjambi ye. Omwaalu gwondjambi ndjoka inagu tothwamo kutya ingapi.

LEAVE A REPLY

Please enter your comment!
Please enter your name here