Oondjambi dhetu odhali peni

0
244

ONIIPA – Engatithi lyaaniilonga moshipangelo shaNandjokwe pOniipa olyali lya nyanya pambili okuza poshipangelo shawo mpoka, taya yi kOmbelewangeleki pOniipa sigo okombelewa ya Kansela gwoshikandjohogololo Oniipa, hono ya fala omukandanyenyeto gwawo molwa oondjambi dhawo.

Shino oshali sha landula sho kwali kwa kundanekwa aaniilonga mbaka ayehe moshipangelo shoNgerki yaELCIN yali ina ya mona oondjambi dhawo mbala nenge dha katekwa omwedhi gwaziko,naasho dhe keya odheya kwa toka. Oyali ya unganeke omunyanyo gwombili mono ya humbata omapulakata taya pula kutya oondjambi dhawo odhali peni? Olye talipo iimaliwa mOnandjokwe? Kapuna iimaliwa, kapuna iilonga ngano ogo gali gamwe gomomapulo ga holoka momapulakata ngoka gali ga humbatwa kaaniilonga.

Aaniilonga mbano oyali ya holola okwa hena mbili kwawo molwashoka anuwa oyali ya tseyithilwa owala kuna esiku limwe manga yali ya tegelela oondjambi dhawo, noye uvite kutya ando ngele opuna ekateko lyoondjambi oyali yena ku tseyithilwa mbala nopamukalo omwaanawa.

“Katushi kutya omolwashike oondjambi dhetu dhina okukatekwa tse hatu gwanithapo iilonga yetu yesiku,otwa kala tuli muudhigu konyala oshiwike netata twaana iiimaliwa, aanona yetu oya kala kaayena sho tayali, tse yamwe otuna ooaakaunta hadhi nana iimaliwa kombaanga,niipumbiwa yomagumbo ya pumbwa oku kandulwapo, Kashili pampango okukateka oondjambi dhaaniilonga unene ngaa ngele kapuna  omatompelo gothaatha taga ulike kutya iimaliwa mbyono yali yina ku futa aaniilonga oya ukithwa peni,otashi ehameke shili,” Taya popi ngaaka.

Oshiwike sha ziko aaniilonga mbaka oyali ya gandja elombwelo noku indila opo ya kale ya futwa sigo etitano lya piti nokonima yaashino oyali ya mono oondjambi dhawo nonande dheya dha lata. Oya kala yena omapulo ogendji ngono gamwe inaa yega monena omayamukulo.

Aaniilonga oyali ya pula ya yamukulwe muule woowili omilongombali nane moshinima shika. Taya indile opo omwedhi nguka (Maalitsa ya kale ya futwa oondjambi dhawo mo31 Maalitsa nongele hasho itapu ka kala iilonga kuyo. Taya indile omukundu nguka na dhilwe ndhoka tadhi inyenge mOnandjokwe dhi kale dha kandulwapo nziya.

Oya pula woo kutya monakuyiwa ngele tapu ka holoka iinima yafa mpaka oombapila nenge omishangwa nadhi kale dha shangwa nawa no tadhi ulike kutya odhaza peni  neshainokaha nali kale tali holoka. Taya indile elelo lyoshipangelo liya simaneke yo ya kale taya gandja omishangwa dha yela kaaniilonga ayehe uuna pwa holoka sha, Yo ya kale yeshi shoka tashi inyengepo.

 

LEAVE A REPLY

Please enter your comment!
Please enter your name here