Osipana yo Young Chiefs oyaandjetu

0
292

OSHAKATI-“Ngaye okanona ko Young Chiefs oshoka oYoung Chiefs oya totelwa momututu gwegumbo lyaandjetu’ Helena Shilongo ta ti.

Helena ngoka atseyika nawa nedhina Namesho okwati memegona gwawo Gerta Shilunga ngoka oye atotapo osipana ndjika na okwa li he ya fala ya katale uudhano wo Young Chiefs kehe Osoondaha konima yelongeloKalunga omanga ye ali ena ashike omimvo dhili hetatu lwaampoka.

Okwati shika oshali she mupe ohokwe okulandula Osipana ndjika sigo okonena moka Osipana yili tayi shi enditha nawa momaudhano gawo go First Division na oyili tayi shi enditha wo nawa mekopi lyo Bidvest Cup.

Namesho okuna ondjodhi okumona oYoung Chiefs tayi dhana moliha yopombanda moshilongo noku adha omasindano omanene mu Africa no pondje yenenevi.

Ta ti okwa hala Osipana ndjika yi putudhe aadhani taya vulu okudhana womosipana yopashigwana noku mona ompito yoku dhanena Oosipana oonene muuyuni ngaashi Barcelona, Arsenal no Bayern Munich dha Europa.

Okwati mongashiingeyi Osipana oyi na oshinakugwanithwa oshinene komapepe gayo okusindana omaudhano gawo opo yi mone ompito yokuyako MTC Namibian Premier League.

Ashike oonkondo dhawo oyena okudhitopola nekopi lyo Bidvest Cup moka yi  iyadha yena ko ashike oonkatu dhontumba okuya kedhingoloko lyahugunina.

Namesho ota indile aantu ayehe kiitopolwa yokoNooli opo ya yambidhidhe Osipana ndjika opo yi ka kalelepo oshitopolwa kuudhano woliha yopombanda moshilongo oshoka Oshakati City ndjoka yali hayi kalelepo oNooli oya teka esipa lyombunda.

Okwa ti oya pumbwa eyambidhidho lyoshimaliwa opo ya vule oku gwanithapo oompumbwe dhOsipana yo ya sile wo aadhani oshimpwiyu.

Onkene ta indile aasamalia aanamutimahenda opo ye ya kuthe kondungu yegonga naashoka ye na po.

OsipanayoYoung Chiefs oyili komeho niitsa yili 36 omanga mboka ye mu landula ye na iitsa 30,na oyi na ko ashike omaudhano geli gatano moka ye li ashike yapumbwa okusindanapo omaudhano geli gatatu noku dhana shithike pamwe lumwe yo oya ya koliha yopombanda.

OYoung Chiefs oyili wo oyo awike osipana yoko First Division moshilongo ashihe ya ya kedhingoloko etitatu lyahugunina lyo Bidvest Cup hoka ya tegelelwa yi ka ye mondambo nenyakwa lyo Bidvest Cup 2014 African Stars.

LEAVE A REPLY

Please enter your comment!
Please enter your name here