A pila moshiponga shetuwa ita dulu kudimbulukiwa

0
370

ONGWEDIVA – Omulumenhu umwe okwa fila moshiponga shetuwa sha ningilwa pomukunda Omupembe u li pokati kOkongo nEenhana moshikandjohoololo, moshitukulwa shaHangwena.

Nakufya Simon Kauko Itana weedula 36, okwa xulifa keengulasha dOlomakaya, la djako, omhanga ta di kohambo ili koshitukulwa shaKongo.  Meenghundafana noshifo Kundana, omupopili ko wopolifi yoshitukulwa shaHangwena Shisante Kaume Itumba, okwa koleka kutya nakufya okwa li ta shingi otuwa yoFord Ranger oye aeke a li mo nokwe lidenga meendongi mbali, nokudja opo etuwa tali ke lidenga vali momuti womupapa, tali finyuka nokutema omundilo.

Itumba ta holola kutya nakufya okwa li  ta di kohambo i li moshitukulwa shoushilo woKongo a finda keumbo kOnayena moshitukulwa shaShikoto, okwa li a tulika eepala. Molwaashi oshiponga osha ningwa konima yotundi onhi-12 yokeengula sha dOlomakaya, ina mona ekwafo shaashi okwa toka neenghono. Nakufya ou a pya ita dulu kudimbulukiwa osha li yoo shidjuu okutongolola netuwa.

Molwaashi ovo veli twa moshiponga eshi shi nyanyalifa ova konga oyeendifo va ka lopote oshiponga kOkongo, osha etifa opolifi i hange nakufya a pya ita dulu vali kukwafwa. Opolifi oya kumaida oshiwana shi koneke ongodi yehangano lombelewa  yoMotor Vehicle Accident Fund (MVA Fund) opo ngeenge  omunhu a hange oshiponga a dengele kongodi yokendiki lokulopota oiponga ihai futwa sha 0819682.

 

LEAVE A REPLY

Please enter your comment!
Please enter your name here