Stardust ota imbi oongalo tadhi tungu

0
269

WINDHOEK-Ngaashi naana shili omukalondjigilile ngele tashiya mehangano lyoongalo moNamibia, uukadhona uyali mboka  auhe wuna oomvula 18, wedhina Startdust no wuna oshipewa nomagano gwokwiimba osho wa thiki mehangano lyoongalo.

Muni Hoveka naBreanna Kandanga, omanzuna ngoka ga manga uukuni kumwe omvula yaziko opo ga imbe oongalo tadhi nyanyudha, dho tadhi tungu.

Oku kala kwawo mokwiimba noku ulika uunongo wawo konyala momukokomo gwomvula yaziko piinyangadhalwa ya yoolokathana moshilongo. Stardust, osho ya mono kutya uunongo wayo owa tsa, noya kambadhala nokuli oku etapo omusholondo gwoongalo dhawo ngoka gwedhina Stardust, guna oongalo 18.

Oalubuma ndjika oye yi ilukila yo yene opo ya ipe omukumo yo gandje noku ulika uunongo wawo koshilongo ashihe nokaaholi yoongalo.

Oalubuma ndjika oya tameke nokuli nongalo ndjoka yatsa nombwaanawa yina omulyo gwoHouse yedhina ‘Lights’.  Ongalo ndjika tayi uvitha nawa oya nunimwa unene piituthi opo aantu ya inyanyudhe.

Ongalo ‘Buff’, ndjoka yili pehala etiyali moalubuma  ndjika, Stardust okwa kwathelwa oku imba komuhikingalo omuZambia  gwedhina Petersen Zagaze, ngoka a tameke nomulyo gwo Dancehall moalubum muka omanga teyi towaleke..

Ongalo ndjoka tayi nyuwitha omakutsi gaapulakeni  ongaashi ‘Make your Move’, taya kwathelwa ku Jay-J. Ongalo ndjika yohole otayi popi kombinga yomumati nomukiintu mboka ya gwile mohole.

Kakele ashike kwaandhika twa tumbula mpaka, konyala oongalo adhihe moalubuma otadhi inyenge nawa.

Stardust oya li ya shainwa kehangano lyo Deal Done Records omvula yaziko, no yali ya kwathelwa oku ninga iiyimbo yawo kuM-Jay kombinga yomikwelengendjo. Oongalo oye dhi hokithwa komwiimibi omuAmerica gwedhina Rihana, ngoka konyala ha ya holele..

LEAVE A REPLY

Please enter your comment!
Please enter your name here