Taambeni iilongitho,etemo naliye komupini

0
250

ONYAANYA –  Ngaaashi shili omukalondjigilile epangelo okupitila moombelewa dhiikandjohogololo moshilongo otali tsikile okugandja nokuandjakaneka uuwanawa kaakwashigwana ya lyo.

Shino oshali sha holoka sho ombelewa yakansela gwoshikandjohogololo Onyaanya pamwe nombelewa ye, yali ya gandja iilongitho ku dhimwe dhomooproyeka moshikandjohogololo shawo. Shino oshali sha ningwa etine lya piti kuziilila pombelewa yoshikandhogogololo osho tuu shoka.

Kansela Henock Kankoshi okwati oyali ya gandja eindilo moshigwana opo kehe ngoka a pumbwa iilongitho a udhithe ombaapila yo ya vule oku pewa iilongitho ya humitheko ooproyeka dhawo.  Kankoshi tati ooproyeka ndhoka odha pewa omakwatho giilongitho okupitila mo Micro Finance  oshowo koshikondo shono shililepo okupendulapo ehumokomeho momikunda (Rural Development scheme).

Pethimbo Kankoshi ta gandja iilongitho mbika okwali a kumike ooproyeka ndhoka dha ningi elago opo ya ka longe iilonga nuudhiginini ,yo ya yambulepo noku pendulapo  omikunda dhawo, ta indile woo ya kwathele moku gandja iilonga kwaamboka yeli momagumbo kaa yena iilonga. Teya indile ya kwate nawa iilongitho yawo yo ta yeyi sile oshimpwiyu.

“Otwali twa mono omaindilo ogendji,naasho kutya aantu ayehe ihaya puko esiku limwe momaindilo mono otwa li ashike twa kuthamo ooproyeka dhili ne (4), ndhono  odho dha mono iilongitho ayihe kumwe yongushu yoshimaliwa shooN$81 334.57,Otatu longo ngaashi oshigwana shetu inekelela komeho tse tu gandje omakwatho kaakwashigwana yetu ayehe ya lyeko koshipambu shoshikuki shemanguluko,nonande itatu gwanithapo oompumbwe dhawo adhihe otatu kambadhala ngaashi tatu vulu tu hedhithe uuwanawa popepi nayo,” Kankoshi tati ngaaka.

Oproyeka ya Martin Elago yomomukunda Oshilungi oyo yali yina elago lya fewa kombambi sho ya pewa iilongitho yongushu yoshimaliwa shi vulithe sha yakwawo N$45 938.92. Oproyeka ndjino ohayi longo nokuhondja,mwene gwoproyeka ndjika Martha Angula okwa hokolola kutya okwa kala owala ha hondjele mokandunda ke,nokuna aaniilonga yeli yatatu pethimbo ndika.

“Onda pandula unene komakwatho ngaka nondi uvite uugumbo ngaashingeyi ote vulu kuya moohapu nda manguluka oshoka epangelo lyetu olyetu tsakaneke ondjilakati noku tu pa uuwanawa mboka twa pumbwa,otwa pewa iilongitho yongushu shili ngaashi iiyata ,omashina gokuhondja gatano ,iikangule,iipundi,iitaafula konyala niipumbiwa ayihe tayi pumbiwa moshihondjelo,”Angula ta popi nenyanyu.

Oproyeka ndjika oyali woo ya pewa iipeleki ,omitenge niilongitho yimwe opo ya ka totepo ehala limwe lyokulongela oshoka mpoka ya adhika yeli inapu gwana ,yo oproyeka otayi humu nawa komeho. Tonata Joinery and Welding ndjono hayi longo uuskopa noombete oyali ya pewa ooN$ 19 812.45, Vuyo Trading cc nayo oproyeka ompe ndjono tayi longo nokutholoma oondhopi oyali ya pewa iilongitho yongushu yooN$12 284.45 omanga Omahepeko Frames Design and photograpy hayi longo nokuthaaneka oshowo ku tulamo oolama dhomathano ya mono N$3295.75.

Ooyene yoproyeka ndhika oyali ya gandja olupandu lwawo taya indile mboka inaaya pitamo kaa ya se uunye ashike ya gandje omaindilo gawo,elago lyawo otali keya. Taya uvaneke kutya etemo otali kaya komupini ngaashi ya indilwa ku kansela gwawo.

LEAVE A REPLY

Please enter your comment!
Please enter your name here