Vission Boy a ningi ishewe okavidio okape

0
201

WINDHOEK-Katoopeni Samuel, ngoka a tseyika nawa nedhina lye moongalo Vission Boy, osho a pititha okavidio ke hoka ta ka inyenge nawa mewalangandjo, kedhina Be Part of my Life.

Ongalo ndjika Be part of my Life yoAfropop otayi popi kombinga yohole nondjokana. Okavidio okathaanekwa kehangano ndyoka hali ningi uuvidio kamana kwaanawe  lyomOshikango lyedhina Eagles Videos.

Okavidio haka okamwe komowindji taka inyenge nawa  nokeli ponomola yotango, ngele tashiya puuvidio dhingi wa talwa nawa kaantu oyendji koradio yomuzizimbe ndjoka opo yanduulukwa yoSoul Talk. Okeli ishewe taka monika koYou Tube noko Facebook.

Ongalo Be part of my Life, ndjoka ya hala okutya kala oshitopolwa shonkalamwenyo yandje, oya kuthwa moalubuma ya Vission Boy yedhina Movemento. Vission Boy okwa holola woo kutya okwa ningi okavidio haka opo aayambidhidhi naaholi yoongalo dhe ya hokwe oongalo dhe tashi pitile mokavidio haka.

Vission Boy omvalele yomOshikango ndjoka yi na ashike oomvula 22. Omuhikingalo ngoka omushona nokuna ondjodhi onene  okutula oongalo dhoshiNamibia pamuthika gwopombanda.

Vission Boy Omwiimbi gwoongalo dhoKwaito noAfro Pop, okwa hokithwa okwiimba kaahikingalo ooyakwawo ngaashi Naka Blacksheep naSwartbaster.

Oongalo okwe dhi tameka manga ali omushona, ena ashike oomvula 17, pamwe naDj Diddy gwomOhangwena. Ngashingeyi Vission boy ota longo pamwe na Elvo, Nel D, J Production osho woo Ndexland.

LEAVE A REPLY

Please enter your comment!
Please enter your name here