Aakwashigwana ta ya kamona ekwatho lyokulanda olusheno lwetango koongunga

0
260

 WINDHOEK-Aakwashigwana mboka yeli natango ta ya mono iihuna ngele tashiya polusheno ota ya kamona ekwatho lyokulanda olusheno lwetango koongunga okuziilila kehangano ndyoka hali landitha olusheno lyedhina Shwepo Investment.

 Ehangano ndika lyoShwepo Investment otali ka kwathela unene aakwashigwana mboka yeli mokati komikunda mboka itaa ya vulu okulanda olusheno koomuma oshilongo ashihe,no taa ka longelwa pamwe noshikondo sho Solar Revolving Fund, sha totwapo kuuminisiteli woomina nomalusheno.

 Omukuluntu gwehangano lyo Shwepo Solar Investment meme Leticia Amushila okwa lombwele oshifo shika Kundana tati ehangano lye otali ka kwathela aaNamibia oyendji mboka yeli mondhime, nokaayena iimaliwa yokutula olusheno momagumbo gawo. Okwe ya kunkilile opo ya holoke poombelewa dhawo yo ya pewe oofoloma ndhoka dhoongunga.

 Okwa holola ishewe tati elalakano lyoku etapo edhiladhilo lya tya ngeyika oku indjipaleka oonzo noonkondo dhetango, na ishewe oku kwathela mboka yeli momikunda opo ya mone uuyelele.

 Amushila okwa kumagidha ishewe aaNamibia opo kaa yakale ashike ya inekela molusheno lolwene, yo ya taambeko kutya olusheno lwetango olo lumwe lwasimana noonkondo moshilongo oshoka omuntu oto vulu oku lu longitha kehe mboka wuli, shampa ashike puna etango.

 “Olusheno lwetango olwo ndoka ihaalufutwa komwedhi, omuntu okwa pumbwa ashike okulanda petameko eta ningi onkalamwenyo ompu, itaa  dhiladhila iihohela yokomwedhi,” Amushila tati ngaaka.

 Ehangano lyo Shwepo Investment olya tamekelwe momumvo 2013, nongaashingeyi olyo limwe lyakoka noonkondo, notali kwathele aakwashigwana oyendji.

LEAVE A REPLY

Please enter your comment!
Please enter your name here