Eedjo domo Liindili na di longefwe okulihongifa ovanyasha!

0
299

Luderitz- Omido omilongo 25 demanguluko oda eta exumokomesho modoolopa ya Liindili.

Aa omaliudo omukalimo modoolopa ei  oo paife a kalamo omido 20. Josef Shikudule okwa ti odoolopa oya xuma komesho, shaashi omuna oinima ta i limonikila okudja tuu komaumbo mape oo a tungwam eefikola oko haku i ounona tava ka hongwa mombili nomengungumano.

Okwa pandula yoo eshi ofikola yo COSDEC yeuya modoolopa ya Liindili , omo atumbula kutya , eshi osha yandja omhito ya yeuluka opo ,ovanyasha mo doolopa ve li likolele omaunongo a yooloka mo ku kufa kwavo ombinga momadeulo oo taa yandjwa kendiki eli lo COSDEC.

Shikudule okwa yelifa yoo kutya nonande odoolopa ya tungwa omaumbo mahapu oshili tashi nyemateke neenghono, shaashi oshina oudjuu nondjila ile opo omunhu u mone eumbo oku dilila ku Muni wodoolopa. Shikudule ota tumbula kutya exumo komesho ngaashi eli loku tunga omaumbo, ku vahapu oveli wete ashike nomesho , na ovena ehalo okudjamo meebashu noku li monena omaumbo , ndele ova di dilikila elelo lodoolopa tali yandje ashike omaumbo ko vanageshefa ovo vena eenhele dihapu modoolopa. Kwaa shi Shikudule okwa indila opo ngaa ngeno ou ta dulu eumbo nokwa ninga eindilo , apewe eumbo , ndele nee omaumbo aha ndubilwe ashike ovo tave aningipo eengeshefa.

Shikudule okuna eidilo osho yo omayele ea ukifa kepangelo loshilongo, omo atumbula kutya ngeno eedjo domodoolopa ya Liindili nadi longifwe nawa , opo di kwafele mo nakuiwa.  Apa okwa yandja omayele kutya ngeno okwali ovanhu aveshe ovo havamono eetendela mepangelo, naavo vena eequota dokukwata eeshi do maludi a yooloka, oshoyo ovo vena oufemba woku mhina , ngaashi okawe nosho tuu , vaka le ngeno keshe ehangano hala futile omulongwa umwe ile vavali odula keshe, moshiputudilo shopombanda, nelalakano opo eshi ta ku ka fikwa kodula yo 2030, odoolopa ya Liindili oina ovanyasha veli hongifwa koupuna oo uli modoolopa yavo , na otava dulu okuyambulapo odoolopa no ku itula pomufika udulife apa odoolopa ili pefimbo eli.

Erkkie Mupanda

Mupanda okuli omukalimo wo modoolopa ya Liindili oule weedula difike lwopo 35 paife, ashike ota tumbula kutya konima eshi Namibia amona emanhguluko omido 25 dakapita , okuwete kutya odoolopa ya Liindili otai ende ya yuka komesho.

Mupanda okwapadula unene kombili nengungumano olo lili modoolopa ta tumbula kutya ovanhu ovena oufemba , na otava longo oilonga yavo vamanguluka. Kwaashi okwa wedako kutya omunhu keshe paife okuna oufemba wokuninga eindilo ngee olo kuyula eeshi doludi keshe , oshoyo kombinga ikwao , omunhu ota dulu yoo okuninga eindilo ,ngee olo ku mhina okawe nosho tuu , osho Mupanda a tumbula kutya ka shali ha shidulu oku ningwa mefimbo loukoloni. Okwa tumbula yoo kutya nonande modoolopa omwakala nale eefabrika ngaashi o Seaflower osho yo Lalandi, ofaabrika oyo ina ovanailonga vahapu modoolopa ya Liindili o Pescanova oyo tai ufanwa paife NovaNam oya tungwa konima eshi oshilongo shamanguluka.

“Eepate oda kolongwa oteya modoolopa oshoyo kondje yo doolopa, exumo komesho modoolopa ya Liindili otali ende layuka komesho”, Mupanda osho atumbula.

Ta twikile no ku popya kutya nande aishe oyo ya longwa , natango tuu oluhepo omo lili mo va kwashiwana vo mo Liindili , kwaashi Mupanda otayambidida omadilaadilo opo pakale ouministeli wovakwanaluhepo, opo udule oku kwa fa ovo veli lela moluhepo . Okwa indila yoo opo eembanga odo dovanangeshefa vanini no vopokati SME Bank di andjanekwe moikandjohoololo aishe moshilongo. Kwaa shi Mupanda okwa tumbula kutya , ohashipula shihapu kovanangeshefa ta ku ti wa ovanini opo tava tameke noku yambulapo eengeshefa davo , ndele ota va ka konga eembanga tava longifa oimailwa ihapu , oyo omunhu kwali tadulu nande oku ka landa ostock yomongeshefa yaye. Mupanda okwa tumbula kutya mefimbo lopaife eembanga edi ohadi kwafele ashike ovo vena sha nale, shaashi ovo ashike hava dulu okuya kokule keedoolopa oko kuna eembaanga doludi olo , ngaa shi modoolopa ya Liindili omwa pumbwa opo muuye eembanga doludi eli.

Selma Kamati

Meekulu Kamati odalele yo mo Liindili okuna omido difike 74 , ota pandula oshilongo Namibia eshi shamanguluka. Ta tumbula kutya omunhu paife oto ende wa manguluka , ito pulwa vali opaasa oyo yali haipulwa mefimbo loukononi. Kamati otati odoolopa ya Liindili oya xuma komesho , ngaashi etulilo skepa la Liindili olali linini , opali ashike hapa kula ma oumbautu va nini, ola nene pekwa konima eshi oshilongo sha manguluka. Kamati ota tumbula kutya natango tuu ina shiwana onghene ota yambidida ovo vena omafaneko opo etuliloskepa linenepekwe natango, opo li kale ta lidulu oku fikamba eembautu doludi keshe. Okwapandula yoo eshi epangelo la hanganifa eefikola nounona otavai keefikola , nokulihonga va manguluka. Ta pandula ko mauwa aeshe oohaa ningilwa ovakulupe , ngaashi oivilo ya Krismesa oyo hava ningilwa ke lelo lodoolopa. Eindilo la meekulu Kamati olo eli kutya , ku talike kutya onomukalo ulipipo ovanhu tava dulu oku monenwa eemhito doilonga. Kamati okwa tumbula eudite olukeno tati , oshiwana shi hapu kashina oilonga, onghene ovanhu va Kalunga ava nava talike voo va monenwe eemhito doilonga.

LEAVE A REPLY

Please enter your comment!
Please enter your name here