GAZZA naUHURU otaya ka imba po NAMA 2015

0
423

Oyendji mboka haya pulakene omusiki ya Gazza melongelokumwe naUhuru, inaya mona mbaka natango taya imbi ya talika nomeho. Ihe mboka oye na Elago oshoka ongundjika neimango kumwe ndika otali ka imba dhoshili kokasteiga pethimbo lyegandjo lyomapapa kaahikingalo dhingi ya NAMIBIA mOshaiwakopo mu Mai nuumvo. Eeno  Gazza ota ka imba poNAMA pamwe na Uhuru ndhika odha kolekwa kOngundu longekidhi yaNAMA.

Gazza, oku shiwike nawa moNamibia ye ishewe oye gumwe gwaahiki ngalo ya longa nawa noongalo dhe ohadhi landwa nawa noshowo odhi holike koyendji. Oku za tuu nkene a holokele moshimpungu shomusiki moNamibia Gazza okwa longo nuudhiginini  uuka pombanda nokwa ningi omuhokiwa kaaholi yoongalo. Okuholike kaapulakeni yomusika aanene naashona. Okwa kutha omalweendo okuya komahala ga yooloka moshilongo oshowo moAfrika oku ka ulika noku ka imba oongalo dhe. Ha moAfrika amuke omo a  imba ndele okwa talelapo wo iilongo yilwe muuyuni hoka a imba oondjimbo dhe. Omusiki ye oya tulwamumwe nokunnwethwamo komithamuno dhayooloka ngaashi okwaito, dancehall, reggae, no hip hop, omanga omadhengo ge otaga gumu onkalamwenyo molukanda.  Sigo oompaka okwa pititha ooalubuma dhili omulongo, naandhika odhe mu  ningi a kale oye gumwe gwaahikingalo haya landitha nawa omusiki moNamibia. Gazza okwa fala wo enwethemo lye pombanda oshoka okuli omuAmbasada gwElongo a yambidhidhwa kuUministeli Welongo okuli wo omuAmbasada gwa Team Namibia oshowo gwa Back to School Campaign. Gazza okwa itaala kutya elongo olyo esipa lyesindano  na ohali ningitha ondjodhi ya kehe gumwe yi kale yoshili.

Uhuru, oha imbi kohi ya  Kalawa Jazmee nopethimb ndika oye tati pii nomusiki ye mooradio notiivi dha South Africa newi lye epe.Ongalo yawo yimwe yedhina  ‘Y tjukutja’ kokutya inyenga melaka lyaashi lyopambelewa lya Pretoria  oyo yili pombadna yomusholondondo gwoongalo.Ongundu ndjika oya thikama po mu Maphorisa (Themba Sekowe), Mapiano (Nqobile Mahlanu), DJ Clap (Sihle Dlalisisa) and Xeli (Xelimpilo Simelane) na oya kala noku etapo oongalo oombwaanawa dha hokiwa kaatuliko yoongalo ngaashi DJ Zinhle, Dr Malinga, L’vovo na Professor. Aamati mbaka oya tula ontanu puule mpee moshimpungu shomusiki.

“Tse otatu etapo , hatu  kongo omaludhi ga yooloka gomusiki nenge omuhingo gwomusiki opo aluhe tu kale aakomeho  moshimpungu shetu. Ohatu mwenya nokulya omusiki ihe nando ongaaka tse inatu adha natango mpoka tuna okukala, tse inatu manguluka natango pamusiki. Natango opo tatu tungu. Otwa hala oku adha aapulakeni kondje yAfrika sho tatu ka imba yo ya pulakena taya ndanisa noku endela pamwe natse.’ Uhuru a gwedhapo.

“Otatu tsikile nawa nelandulathano lyetu oku tseyitha omadhina omanene gaamboaka taya ka imba poshiithanene shoNama,’ osho Tim Ekandjo a holola. Okwa ti natango okuna aahikingalo aanamadhina taya ka tseyithwa.

Ekandjo okwa ti oshiithanene shika otashi ka ulikwa kotiivii yo NBC pethimbo tahsi ningwa  metitano oshowo mOlyomakya esiku 1 oshowo 2 lya Mai okuza moshinyanga shomauhdhano shomeni mOmbundu ya Kiiyala[Swakopmund].

Uutekete wokuya moshinyanga shoNAMA otawu landithwa nale okuza poComputicket, kondando yoodola N$500 kaasimanekwa oshowo kwaayehe yalwe koodola  N$ 250. Mboka taya landa kuyele omanga 31 lya Maalitsa inaali adha otaya kuthilwako oodola 50-00.

MTC oye omukwashilipaleki gengandjo lyomapapa ndika omanga NBC omutumi mombepo gwoshiindingili shika oshinene mondjokonona yaahikingalo moNamibia omumvo kehe..

Oondoolopa ya Shiwakopo oyo omweedhilili gwoshiithanene shika pambelewa nuumvo.

 

 

 

LEAVE A REPLY

Please enter your comment!
Please enter your name here