Hingeni nawa pethimbo lyemanguluko

0
195

ONDANGWA – Ehangano lyokugamena mboka ya mona iiponga miiyenditho Motor Vehicle Accident pamwe noNamibia Road safety council,uuministeli wegameno opolisi oshowo omahangano galwe ohela ogali ga tula miilonga ehwahwameko opo aahingi ya hinge nawa pethimbo lyemanguluko oshowo popaasa.

Omolwa oondjila adhihe dha thinda koshilandopangelo sho tashi ka tyapula nokudhimbulukwa oomvula 25 dhemanguluko pamwe nokutaambako omuperesidente omupe Dr Hage Geingob. Omukuluntuwiliki gwehangano lyoMVA Rosalia Martins-Hausiku okwa indile aahingi ya hinge nuukeka,yo taya kala noku iyutha koompango dhomoondjila nelalakano lyokugamena noku keelelwe iiponga mbyoka tayi manapo oomwenyo dhaaNamibia.

Haufiku okwali edhi popi pethimbo taya tula miilonga gamwe gomomalongo ngoka taga vulu ku ningwa opo iiponga yi shunithwe pevi. Haufiku ta pula aakwashigwana ya longe muukumwe yo ya yande okuhinga uuna taya zi pomahala gomanwino. Okwali woo atsu omukumo aalongi yoondjila mboka haya hingi iinano iile ya kale ya mona evululuko lya gwana yo ya yande oku kala taya kothele koshihingitho.

Okampaina ndjino oyali ya ningwa  noyali ya tala unene kokuhingilila nokulondeka sha pitilila,okuhinga omuntu a kolwa,  na yilwe ya pamba oondjila. Haufiku ta indile woo aahingi ya kale ya tala omagulu giiyenditho yawo manga inaya ya momalweendo,tati elalakano lyayo okushunitha iiponga pevi.

Ehangano ndino olya hala opo omahuliloshiwike ndino lyedhimbuluko lyekondjelomanguluko oshowo lyopaasa kwaa kale nande iiponga ,yo aantu ya ka thike komahala hoka ya thinda yena oomwenyo yo inaya mona nande oshiponga.

Okwa kunkililwa woo aahingi ya iyuthe koompango dhomoondjila,naayendi yokolupadhi ya kale ya lungama uuna taya taaguluka oondjila.  Taku indilwa iiponga ayihe yi kale ya lopotwa mbala kongodhi yosheendelela opo ngele opuna omuntu a mona oshiponga ya kwathelwe meendelelo.

LEAVE A REPLY

Please enter your comment!
Please enter your name here