The Hitman okwa taalela eshongo inee li tsakaneka natango

0
238

WINDHOEK – Aaholi yuudhano woongonyo oya tegelela nomifudho dha mwena kolugodhi ndoka lwa talika ongo olugodhi lwopandjokonona na yina yomalugodhi goongonyo sigo oompaka sho aambokisi yaali aanawino muudhano mbuka taya ka tsakanena ongulohi yonena.

Aaholi yuudhano wobokisa oya tegelela uudhano uuwanawa mboka tawu kala pokati komanyakwa nale guuyuni Paulus The Hitman Moses nomukondjtihi gwe Malcolm Klassen gwaSouth Africa. Oongonyo otadhi ka topa kongulohi yonena moshinyanga shaRamatex moKhomasdal.

Uudhano mbuka owo wa talika uudhano woongonyo uunene muudhano wobokisa mboka wa longekidhwa kohi yedhina “ Independence Boxing Bonanza,’. Muudhano mbuka omwa tegelelwa aabokisi ya ka dhenge oongonyo tadhi topa pwaana ohenda shafa omukulu gwonale hati omuna gwamukweni eyoka , dhenga komutse. Otawu kala oongonyo tadhi kutha aadhani omazigudhe nepupyu oshoka aadhengingonyo mbaka yaali ayehe uutoye wuunyakwa oye wu shi no kapena ngoka a hala a pitililwepo koshishani shika. Epulo oondika ashike kutya olye ta ka dhenga oongonyo oombwaanawa tadhi kwata kolutu  opo iimonene esindano konima yomadhingoloko 12 nenge okudhenga yimwe nopevi omanga omadhingoloko ngoka inaaga pwako.?Epaya ndyoka mbaka taya kondjele oondyoka lyo WBO International Lightweight title.

Ehangano lyoongonyo mUuyuni nenge World Boxing Organisation (WBO), kohi yewiliko lyOmuperesidende Francisco ‘Paco’ Valcarcel, olya hogolola omunawino Eduardo Ceccoli omuItalia opo oye a tonatele uudhano mbuka, omanga omuhikihiya moringa omunawino mwaashika omuSouth Africa, Deon Dwarte.  Yo aagandji yiitsa oyo Timo Haikonda na Herman Garus-Oab yomoshitunda Namibia ye Neville Holtz omugandji gwiitsa omuSouth Africa.

Aaholi yombokisa oya tegelela uudhano waadhani taya ka kambadhala okuhenukathana nongeyi uudhano otawu kala tawu dhanwa pauteknika wobokisa. Onkene aaholi yuudhano otaya kumagidhwa opo ya lande uutekete wawo woku pita pomweelo manga kuyele opo kaaya ka uve nayi.

Uutekete otawu adhika poComputicket moositola adhihe dhoShoprite noCheckers moshilongo ashihe. Uutekete waasimanekwa otawu gu oodola 200 adhike omanga mboka waakwashigwana ayehe otawu landwa koodola omilongo N$30.

Pahapu dhomulongekidhi guudhano mbuka, Nestor Tobias,opreisa oya shunwa pevi unene mombepo yemanguluko. “Otatu ithana ayehe opo ye tu tyapuleni pamwe”.

 

LEAVE A REPLY

Please enter your comment!
Please enter your name here