NAMAs ta ka simaneka nakusa Kwela nepapa lyoku adha oshindji

0
460

Omwiimbi gwoondjimbo dhoShambo  nomudhengi gwoshiketala oshowo omuhiki gwiitewondjmbo nakusa , Johannes Armas a tseyika nawa Tate Kwela otaka pewa epapa lyo  NAMA’s – lyoku adha oshindji monkalamwenyo.

Esimaneko lya nakusa Kwela konima yeso lye ndika olya kolekwa komunashipundipitithi gwa NAMA, Tim Ekandjo oshiwike shika.

Nakusa  Johannes ya Armas eshiwike nawa Tate Kwela moshimpungu shiihikomwa okwa tonatele etango momasiku gane 4 Apilili 1943 moAkweenyaga moshitopolwa shUukwambi  mOshana na okwa manene oondjenda dhe momasiku  23 Novomba 2005 mepipi lyomimvo   62.

Okwa pititha oalubuma yiiyimbo  ngaashi Unplugged, Mutaleni Gwandje, Kwela na Lexington muuKassette  niiyiimbo ye iithemba  ngaashi Ohela Hela, Magano ga Samwele na Kanailonga  sigo okonena ndjika oyi holike nando ye okwa ninga omukulugwonale.

Tate Kwela okwa fuula aagundjuka naakuluntu miiyimbo ye oshowo mokuguma oshiketala , shoka hashi kankeke aapulakeni ye uuna ta hiki a talika nomeho nenge eli mostudio uule weithano moshimpungu shomusiki shomimvo konyala omilongo ne..

“Oye gumwe gwotango mokukwatitha omusika ye moNamibia. Owuna oku uvako  omuthigululwakalo oshowo elaka opo wu uveko etumwalaka moongalo dhe oshoka oonote niitya oya li  muule na otayi gumu omuntu. Okwa imba kombinga yekondjelomanguluko no inaa taaguluka oongamba, a kondja shaashi nondjembo ndele oniitya ye yoondjimbo, mbyoka inaayi ndhindhilikwa noku konekwa komukolonyeki. Okwa li gumwe gwaahiki yoongalo ngoka ashanga oondjimbo dhe ye mwene. Ishewe kapena ngoka ha dhenge oshiketala  ngaashi ye eshi nyata nenge eshi hiki .Okwa li wo gumwe gwaahikingalo mboka ya imbi kombinga yombuto yi HIV mongalo ye yedhina” Small Minds”.

“Tate Kwela okwa imba noku hika oongalo kwaanawe no pwaana ekwathelo lyuuteknologi  na oye omwiimbi eli mongundu ye oye awike eli, mpee pamwe noOliver Mtukudzi  nayalwe menenevi ndika.”

Otwa tegelela nondjuulukwe okusimaneka omunandunge momusika nguka, shoka tashi uvitha nayi osho shoka owala kutya tatu mu pe esimaneko ndika konima yokuhulapo kwe. Ekandjo a ti. Ihe otwa tegamena kutya omusika ye otayi ka tsikila noku kumika aahikingalo yalwe momimvo tadhi landula osho Ekandjo a dhimbulutha..

Ekandjo okwa ti Tate Kwela oye emanya lyongamba momusika noshowo onyeka tayi wilike uumusiki moNamibia.Uunongo we wokutonya iitya okuyi thamuna nawa oshowo okunyata oshiketala owa ulike kutya ye omunawino keeshi kuyelekwa nalye. Onkene osho esimano okumupa esimaneko ndika.

LEAVE A REPLY

Please enter your comment!
Please enter your name here