Omupangi a tula okamudimba mokila yoikulya, te ka pake aeke

0
303

ONGWEDIVA Opolifi yaTjiwarongo moshitukulwa shaOtjozondjupa, Etine Maalisa 12, 2015 oya kwata omupangi mOtjiwarongo ta fekelwa a futinina okambudimba kedimo leehani 6 mokambidja te ka tula monailona. Ehokololo ola kolekwa komunambelewa omupopiliko wopolifi moshitukulwa shaOtjozondupa, Warrant Maureen Mbeha.

Mbeha ta yelifa kutya momafiku 1 5 Maalisa 2015 opolifi oya kwata po omunamido 24,Euodia Nguvitjita ha longo moshipangelo shopaumwene mOtjiwarongo.

Omunambelewa wopolifi okwa tonga kutya,  Nguvitjita okwa holoka momangu yamangestrata waTjiwarongo Omaandaxa nokwa pewa obaila N$1000. 00 kumangestrata Ruben Mutuku e limbeela mo, molwa oshiningwanima osho , taku ti, okwa dalela edimo leehani hamano monhele yoilonga omo ha nangala. Ehokololo ola ti, konima yokudala Nguvitjita okwa futinina okamudimba mokambidja,te ka tula moYskas yaye,  tai koilonga konguloshi fiku olo, ta ka dja ko a lombwela ovanailonga pamwe naye kutya ke udite nawa.

Mbeha ta weda po kutya,  mefiku la landula ko okwa londa okataxi a uka komilamba da ama lwokombinga yoAssembly Churh of God, oko a ka fa oshilambo omo a paka okamudimba meholeko. Omunambelewa wopolifi okwa yelifa kutya opolifi oya pewa ouyelele kovakwashiwana ovo va kala momalimbililo oule womafiku 12 kombinga yaapa pa ningina oufimba weemwedi hamano womupangi ou.Ta weda po vali kutya, ekonaakono lopolifi otali twikile

Peyeululo lokapangelo kape Outjo Primary Health Care , oministeli yoshikondo shoundjolwele ondokotola Richard Kamwi, oya kunghilila ovakainhu ve li momateelelo va diinine okuya koipangelo keshe popepi navo oko tava dulu okutameka omafulo moshitukulwa.

 

LEAVE A REPLY

Please enter your comment!
Please enter your name here