Ookansela yanyanyukilwa ehumo komeho muule womimvo omi25

0
194

OUTAPI-Ookansela moshitopolwa shaMusati na Kunene oya ti muule womimvo omi 25 epangelo lyaNamibia olya longa mo oshindji nehumo komeho olya tsikila .

Ookansela mboka ya popi naKundana oya ti ngashingeyi miitopolwa oyindji konyala oyina omeya, iipangelo noshowo oondjila dhuuka komahala gi ili nogi ili.

Kansela Tataati Shileka gwoshikandjohogololo Outapi okwati epangelo ngashingeyi olya etamo omalelogopandoolopa, oopate dhoteya mbali noshowo opate dhomamanya dhili mbali.

“ Moshikandjohogololo shetu omuna woo oshipangelo, uukilinika uyali noshowo oohealthy centre dhili mbali ndhoka kadhalimo nale moshitopowa,” Shileka a ti ngaaka.

Shileka ngoka eli omunashipundi gwookansela moshitopolwa shaMusati okwati iikandjohogololo ayihe yili omulongo niiyali moshitopolwa oyina oombelewa dhoshikandjohogololo shoka woo nasho tashi ulike ehumo komesho.

Kansela gwaPuwo  KazeongereTjiondo okwati moshikandjohogololo shaPuwo ngashingeyi omuna iinima oyindji kaayalimo omanga oshilongo inaa shimanguluka .

“Ngashingeyi otuna mo oshipangelo oshinene shili mondoolopa yaPuwo, otuna mo woo uukilinika noshowo ehangano lyaanyasha lyopashigwana,” Tjiondo ati ngaaka.

Tjiondo okwa ti kutya moshikandjohogololo she omwa tungwa oosikola odhindji ndhoka woo dha tulwa omalusheno .

Kansela gwaGongo Willem Iiyambo okwati moshikandjohogololo she namo omuna ehumo komesho olindji mwa kwatelwa omahala gaakulupe gokukwatela oopenzela ngoka gena uundjugo.

“ Moshitopolwa shandje omuna uundjugo mboka wa tungilwa aakulupe noshowo iilema momikunda mo omuna wo opolisi yatungwa mbyoka kaya limo omanga oshilongo inashi manguluka,” osho ati ngaaka.

Iiyambo okwati woo kutya moshitopolwa she omuna woo oondjila mbali dhomamanya  ndhoka kaadhalimo nale.

Kansela gwoshikandjohogololo sha Anamulenge Fidelis Sheyapo naye wo okwati oshitopolwa she osha huma komesho miinima oyindji ngaashi okuya mbidhidha aanangeshefa aashona okupitila mombelewa ya kansela .

Moshitopolwa sha Anamulenge kuuyelele wagandjwa ku Kansela, oosikola adhihe  odhatulwa omalusheno naashika otati kutya ehumo komesho moshitopolwa she .

Moshitopolwa shaTamanzi namo ehumokomesho olya guma mo moka kansela gwoshikandjohogololo shoka Johannes Iiyambo okwati nale moshitopolwa she kamwali muna omatenda gomakuthikuthi goongodhi ashike ngashingeyi omakwatathano gopangodhi omahwepo.

“ Nonando hamikunda odhindji dhina omakuthikuthigopangodhi omikunda dhimwe po odhina omakwatathano geli nawa,” Iiyambo ati ngaaka.

Okwati kutya naye moshitopolwa she omwatunga oosikola odhindji ndhoka woo dhimwe dhomudho dhina omalusheno .

Okwa tsikileko tati kutya omuna woo uukilinika wuli une moshitopolwa she.

LEAVE A REPLY

Please enter your comment!
Please enter your name here