Opolisi tayi kongo omufekelwa medhipago

0
253

ONGWEDIVA- Konima ashike sho kwa lopotwa kutya omukadhona gwomimvo omilonga ndatu nasha okwali a adhika a tsuwagulwa noombele pombete sigo eso mOngandjera moshitopolwa shaMusati oshiwike shaziko, omukulupe gwomukulukadhi okwali iitsuwa asa pombete sho a tsuwa nombele.

Oshiningwanima shika tashi zitha omahwilili oshali shaningilwa mumukunda gwedhina Uukwalumbe moshikandjohogololo shaKahao mehuliloshiwike lyayi.

Okwa hokololwa kutya kuku Eveline Shiimi  gwomimvo omilongo 74 okwali a monika lwa hugunina ena omwenyo metine lyoshiwike shaziko,  ihe okwali a itsuwa mOmaandaha goshiwike shika asa.

“Olutu lwe olwali lwa itsuwa lwa ninga nayi ashike sho omudhimba gwa ka konakona okwali ka dhimbululwa kutya omukulupe okwa tsuwa nombele ndjoka woo yali ya monika,” omupopiliko gwopolisi moshitopolwa shaMusati Warrant Lineekela Shikongo a lombwele Kundana.

Shikongo okwati kutya omukulupe nguka okwali ha kala megumbo nomulumentu gwoomvula kadhi shiwike ihe ngashingeyi okwa matuka po na opolisi kayi shi mpoka eli ngashingeyi.

Okwa hokololwa woo kutya oshipotha she dhipago osha patululwa ihe kapena ngoka a kwata sigo onena.

Omulumentu ngoka okwa hokololwa a kala megumbo ongo omukwatheli gwomukulupe miilonga yomegumbo.

Okwa hokolwa woo kutya omakonaakono moshipotha shika otaga tsikile nonando aapolisi kayena nawa uunongo mesiku ndyoka nakusa atsuwa oshoka opwa pita omasiku kee wetike.

Omulumentu ngoka ta tamanekelwa edhipago lyomukiintu gwe ngoka ali a mbothagula noombele kOngandjera okuli natango moshipangelo shepangelo shaShakati moka eli ta mono epango oshoka okwali a iteta nombele pothingo konima sho a dhipaga omukiintu gwe opo a kanithe iinkoti.

Shikongo okwati omulumentu nguka ina holoka natango mompangu oshoka kena uukolele wokupopya mohofa.

LEAVE A REPLY

Please enter your comment!
Please enter your name here