Osipana yAamati kohi yomimvo 21 yaShana ta yi idheula

0
160

OSHAKATI-Osipana yetanga lyokoompadhi yAamati yokohi yomimvo 21 yaShana otayi ningi omaidheulo ga kwata miiti okutungapo osipana yaadhani 24 ndjoka tayi ka kalelapo oshitopolwa shaShana momathigathano ga yooloka moshilongo.

Alexender Itumba ngoka oye eli omudheuli gosipana ndjika okwa ti ota longo naamati 30 yeli kohi yomimvo 21 ,mboka taya kondjele okumona ompito momusholondondo gwaadhani yeli 24 mboka taya ka tungapo osipana yOshana.

Alex okwa ti otaya longo omutenya nuusiku okwi ilongekidhila uudhano wo The Namibian News Paper Cup mboka hawu dhanwa aluhe pethimbo lyiituthi yaPaasa.

Okwa ti nando omumvo nguka oya tameke kwa tokelwa nomaidheulo shika itashi vulu okuya omalongekidho gawo moshipala.

Tati omumvo nguka Oshana nashi tegelele iiyimati iiwanawa okuza kosipana ndjika oshoka aamati oyena eitulemo yo aavuliki.

Okwa ti oyendji yomaamati mboka yeli mosipana ndjika oyo mboka yali ya dhanene osipana ndjika omumvo gwa yi sho ya li ya kanitha uudhano medhingoloko lyahugunina sho yali ya dhengwa koshitopolwa shaKavango.

Okwa ti nando ongawo Osipana oyili yi na omukundu gwosheenditho okuthikitha aadhani pokapale nokuya shunitha komagumbo oshoka oyendji ohaya zi kokule nokapale.

Okwa ti kakele kaamati mbaka oyena wo aamati ye li yane mboka ngashiingeyi yeli  moVenduka mboka nayo oyeli oshitopolwa shosipana ndjika.

Oshigwana shoShana nashi tegelele esindano enene okuza kosipana ndjika unene tuu muudhano wo The Namibian News Paper Cup oshoka tse katu shi aakuthimbinga ashike aakondjithi, na otwa hala okusindanapo uudhano woshifo shika.

Under 21: Omudheuli gwosipana yaShana Alex mokambindja okashunga pamwe naadhani ye pethimbo lyomaidheulo pokapale ko Indpendence Stadium mOshakati

LEAVE A REPLY

Please enter your comment!
Please enter your name here