A pandula Pohamba kehanganifo loshiwana

0
198

Luderitz – Johannes Valombola omukalimo womo doolopa ya Liindili ota pandula omupresidende Hifikepunye Pohamba eshi a hanganifa oshiwana, a lela oshilongo sha Namibia nombili nelelo laye ina li holola nande oukwamuhoko.

Omupresidente Pohamba okwa kwatelapo yoo oukolele weliko loshilongo Namibia, onghee  Valombola ote mu halele omayambeko mwaashishe osho a longela oshilongo Namibia. Omupresidende Pohamba okwa  kwatelapo ombili nengungumano moshilongo, oshoyo yoo sha longwa noku xe yo shiwana omukokoli Presidende Sam Nuyoma, aveshe ava Valombola ota ti Kalunga neva yambeke.

Kombinga yomu Peresidende a hoololwa no ta ka lela oshiwana sha Namibia okuhovela mo 21 March 2015, Valombola ota tumbula kutya, mepangelo lo SWAPO omuna omilandu nomuna omukalo wo ku paafana oipundi, onghene ota halele omupresidende Hage Geingob oshoyo hefolo laye Monika Geingos , a twikile kwaasho sha longwapo kova Presidende vavali ovo valela oshilongo Namibia oule womido 25 da kapita.Te mu halele omayambeko eli Matheus 5:1-11.

Valombola ota indile omupresidende Geingob a tale nomesho manene eliko lo modoolopa ya Liindili olo lawa pedu neenghono, omo ovanangeshefa va pumbwa va etepo eemhito doilonga. Ta tumbula kutya omuna eefablika dili mbali odo da pata oule weedula daka pita, ofaabrika ya Lalandi oshoyo yo C.M.I. Valombola okwa tumbula kutya ngee eefabrika edi adishe mbali odapatuluka , nena otadi ka yandja oilonga kovakalimo vahapu mo Liindili. Ta indile opo omupresidende Geingob a tale nomesho manene ko shikumhungu shedu, opo ngeno ava vena nale edu vahapewe vali , ndele edu lipewe ovo vehe lina. “Omwene naya mbeke oshilongo shetu , yee na kwatelepo ombili mo Namibia”.

LEAVE A REPLY

Please enter your comment!
Please enter your name here