Young Chiefs a ndopa okusindana omaudhano ge gaali mehuliloshiwike lyaziko

0
210

UUKWANGULA-Osipana yo Young Chiefs ndjoka  ya talika koyendji ongo yi na ompito okusindanapo oliha yo North-west First Division otayi nana nuudhigu pethimbo lyongashiingeyi nando kwa thigala owala omaudhano gaali.

Olyomakaya gazako Young Chiefs okwali a iyadha muudhigu konima sho ali a kanitha uudhano kosipana yo KK Palace okoola 2-0 pokapale kopUukwangula hoka kali ka udha kafa ofenya naayambidhidhi yo Young Chiefs meinekelo kutya ngele oya sindanapo uudhano wehuuliloshiwike otaya yi koliha yopombana.

Ashike ondjodhi ya Young Chiefs oya li ya dhengwa natango ondhimbo onene moSoondaha sho Golden Bigs ali eya yi moshipal sho Oosipana ndhika dhali dha dhana shithike pamwe 2-2 shoka she eta oYoung Chiefs yi likole ashike oshitsa shimwe mehuuliloshiwike lyaziko.

Ashike elago lyo Young Chiefs olya zi mpaka sho Osipana yo Golden Bees ndjoka yili konima yawo nayo wo yali ya ndopa oku likola iitsa ihamano oshoka oyali ashike ya mono oshitsa shimwe.

KK Palace naye wo okwa shunitha ompito yokukuthako Young Chiefs kombanda yoliha sho naye andopa okulikola iitsa ihamano, naashika otashiti KK Palace ita vulu we okukuthako Young Chiefs kombanda yoliha oshoka okuna owala omaudhano geli gaali ngoka itaga vulu we oku pa KK iitsa yagwana.

Ethigathano paife olili pokati ko Young Chiefs no Golden Bees, ashike Young Chiefs okuli komeho niitsa yili itano moka yapumbwa ashike okusindanapo uudhano wumwe nokudhana shithike pamwe lumwe.

Ashike Young Chiefs ota vulu aye ko Premier League inaa thanga nando etanga asike shika ota shi kaningwa ngele Golden Bees andopa okusindanapo uudhano we wuli uyali womuudhano utatu we mboka wahupuko.

LEAVE A REPLY

Please enter your comment!
Please enter your name here