Aanandjokwe ya pandulilwa eyakulo ewanawa

0
189

ONEPUTA – Meme omukalimo gwomomukunda Okapanda megongalo Oshitutuma, okwa gandja olupandu lwe komukunda omutitatu (3) moshipangelo shaNandjokwe ,molwa omayakulo a li e ga ningilwa konima yomasiku omashona lela.

Nakushe Nangombe okwa hokolola kutya okwali kee uvite nawa,nokwa taambelwa moombete opo a mone epango lye. “ ethimbo nda kala moombete ondali ndina omwenyo gwa yela oshoka omayakulo twa kala tatu ningilwa mosaala yetu ogali getu nyanyudha,aapangi ohaya yakula aantu nawa naaluhe oyena ombili komwenyo,” Nangombe tati ngaaka.

Okwa gwedhapo woo kutya olundji ngele taya yakula omuvu ohaya kala taya izizima noku imba omayimbilo taga hokitha  go taga uvitha omwenyo gomuntu nawa “Omukunda nguno nagu pewe epandulo lyashewa kwaashihe gwa ningile ndje unene tuu aapangi mbono haya longo noku ningila aavu yawo omashendjo,okuyalulula oombete nokuyakula aavu nawa,oshinima shino osha pumba miipangelo oyindji ,naapangi oyendji ohaya kala nokungwandjangula aavu yawo ashike yokomukunda omutitatu mOnandjokwe oyena ombili,” ta gwedhapo.

Nangombe okwa pandula woo oondohotola ndhoka dha kala tadhi ungaunga naye pamwe naa opaleki mosaala moka,tati okwa koneke kutya omukunda nguka ogo gumwe gwayela noonkondo Tati epandulo nali pewe ngoka eli ilongela opo naye mwene a mone kutya okwa longa oshilonga sha simana ye a tsikile nuupenda mwaashihe ta longo,tati olundji aantu ohaya kala owala taya gandja omanyenyeto ashike ihaya pandula nande.

Okwa indile Kalunga a yambeke aaniilonga momukunda ngoka ,ye teya pe oonkondo ya tsikile neyakulo lyawo ewaanawa. Ta indile woo mboka taya gandja omayakulo komuntu kehe ya kuthe oshiholelwa oshiwanawa kaantu mbaka .

 

LEAVE A REPLY

Please enter your comment!
Please enter your name here