Ependulepo loVolleyball  mOshana otali ende nawa

0
305

OSHAKATI-Endiki lyuudhano woVolleyball mOshana ndjoka lyali lya dhikwa po kongongahangano yuudhano mbuka okudheulila uunona uushona muNamibia onga shitopolwa shependulepo lyuudhano, otali shi enditha nawa.

Konyala uunona wuli po50 ohawu mono omadhewo gopetameko muudhano mbuka pokapale kEmanguluko mOshakati.

Priscila Matsi ngoka ta kwatele komeho endiki lyomadhewo mOshakati okwati”Uunona awuhe mboka yamona kawu na nando ontseyo yuudhano mbuka onkene oyi ipyakidhila nomadhewo gopetameko”.

Ta tsikileko tati omadhewo gopetameko otaga ka kwata oomweedhi dhontumba, nokonima otaya ka tameka okupa uunona ompito yokuya momathigathano opo ya tule shoka yiilonga mootundi dhomadhewo miilonga.

Priscila otati omadhewo ngaka ogeya pethimbo lyoopala unene tuu pethimbo ndika uudhano woVolleyball tawu dhana onkandangala miitopolwa yokoNooli.

Tati opoloyeka ndjika otayi kwathele okunawapaleka onakuyiwa yuudhano woVolleyball moshilongo.

Opoloyeka ndjika oyali yatotwa muNamibia petameko lya Januali na otayi kwathele uunona okuza pomimvo heyali sigo 14 na otayi adhika miilongo omulongo yAfrica moka Namibia eli a kwatelwamo.

Mo Namibia opoloyeka ndjika oya dhika mo  iitayi  itano miitopolwa sha Zambezi, Kavango,Oshana ,Erongo na Khomas

LEAVE A REPLY

Please enter your comment!
Please enter your name here