Gladiators ya tyapula emanguluko nesindano

0
294

WINDHOEK – Omuperesidende gwolutu oluwiliki lwetanga lyokoompadhi okwa ti aadhanitanga yaakadhona oya pumbwa okupewa oompito odhindji dhokudhana momathigathano ga  yooloka .

Frans Mbidi okwa ningi eindilo nethaneko ndika konima sho ospana yaakadhona yopashigwana Gladiators ya li ya dhenge ospana ya Swaziland yaakadhona nookoola 6-2 muudhano wedhimbuluko lyomimvo 25 dhemanguluko lya Namibia O            lyomakaya yemanguluko oshiwike shayi.

Mbidi okwa kumwa komuthika mpoka Gladiators a li adhana  “Mbuka owa li uudhano uuwanawa okuza kaakadhona, no ndi wete uudhano woomeme kutya otawu ningi uuwanawa na opena elunduluko muwo moshilongo. Shoka sha pumbiwa osho owala okupa aakadhona oompito odhindji ngaandjika okudhana’ osho a ti.

 Omudheuli gwo , Gladiators Jacque  Shipanga naye okwa ti kali eshi tegelela kutya aakadhona osho taya ka longa ngaaka, unene tuu momukalo ngoka yo ya li ya dhana etanga moku tulamo ookoola oshowo eihumbato lyawo mokapale ketanga.

“Omukalo ngoka ya dhana nago nena osha ulike kutya uudhano woomeme moNamibia owa uka mondjila yuukilila na otawu kala wuli nawa.”   Shipanga a ti esindano ndika oye li pe Omuperesidende Hage Geingob, ngoka a kala noku ya yambidhidha aluhe.

“Otwa li twa hala okusindanapo uudhano mbuka okupa aantu yetu ya Namibia omulyo omwaanawa gwemanguluko oshowo okuulukila Omuperesidende gwetu omupe kutya tse otatu humu komeho ethimbo kehe.” Osho Shipanga a popi.

Muudhano mbuka ospana yaakadhona yedhina , Brave Gladiators oya soshimpwiyu kutya oya hulithapo uudhano mbuka nawa sho ya tulamo ookoola 6-2 nongeyi oya sindi  Swaziland pokapale kEmanguluko moVenduka Olyomakaya gayi.

Omudhani gwokomeho a tseyika nawa Zenatha Coleman oye a egulula efundja lyookoola mominute omulongo sho uudhano wa tameke mokutulamo okoola yotango ya Namibia.

Konima ashike yokathimbo okashona Gladiators okwa mbalipaleke ookoola dhe sho Juliana Skrywer a thangelemo okoola ontiyali ya Namibia 2-0  ihe Swaziland naye okwa ka yamukula moku thangelamo okoola ndjoka ya lyatwa kuBuhle Mdlulu omanga uudhano inaa wu ya pondje. Ihe aakadhona yOmevi lyOmapenda kaya li ya manamo natango mompunda yookoola dhawo sho ya hawalekemo Swazilanda natango ookoola mbali omanga inaa ya ka nwa omeya.Ndhika odha tulwamo ku Anna Shikusho na Lorraine Jossob, neyalulo olya li  4-1 pehulilo lyedhingoloko lyotango.

Memory Ngonda okwa gwedhako okoola ontintano petameko lyedhingoloko etiyali, Celiwe Nkambulu,ta tulamo okoola ontiyali ya Swaziland neyalulo olya thikama pookoola 5-2 .

Gladiators kaya li ya manamo natango momulongelo gwawo ya longekdhila Swaziland a faalele kegumbo sho ya tulamo okoola ontihamano ya thangelwamo ku Lovisa Mulunga, ngoka a soshimpwiyu kutya Namibia okwa manitha uudhano ena ookoola 6-2  nokumona esindano.

 

 

LEAVE A REPLY

Please enter your comment!
Please enter your name here