Nampol  na Nakapele Volleyball ya sindana po tonamende ya Northcote

0
515

ONDANGWA-Osipana yoNampol yoomeme oyo enyakwa muudhano wetanga lyokomake mboka wali wa dhanenwa pOsikola yo Northcote mOndangwa ehuliloshiwike lyaziko.

Osipana yoNampol oyali yeshi enditha nawa konima sho yali ya ulukile Oosipana oonkwawo dhoomeme komutse gOndjamba noku ilikolela ehala lyotango moka ya yambulapo okapandi ko N$ 5000, Oombandi dhoshingoli nEkopi.

Osipana yaakadhona ya Hifikepunye Pohamba Campus oyali yeya pehala etiyali moka yali ya toolapo okapandi ko N$ 3000,noombandi dhoshisiliveli, omanga osipana yo Rundu Unam yali yeya pehala etitatu moka yali ya hekelekwa nokapandi ko N$ 2000,noombandi dhoshikushu

Muudhano wootate Osipana ya Nakapele Volleyball Club ndjoka yili enyakwa muudhano woVolleyball womvula ya zako 2014 oya tsikila noku nyanyaleka oosipana oonkwawo sho nayo yali ya sindanapo uudhano mbuka, noku toolapo okapandi ko N$ 5000, oombandi dhoshingoli nEkopi.

Enhana VTC odhali dheya pehala etiyali noku toolapo okapandi ko N$ 3000, noombandi dhoshisiliveli, 11 Warriors Volleyball Club oya toolapo ehala etitatu nokapandi N$ 3000, nokuhekelewa noombandi dhoshikushu.

Uudhano mbuka owali oshitopolwa shepatululo lyoliha yo Far North Volleyball League ndjoka yategelelwa yi kale yatameka miiwike iishona yili komeho.

Omukwashilipaleki guudhano mbuka Dr Jerry Lwande ngoka eli mwene goshiputudhilo sho Northcote Private school mOndangwa okwati okwa nyanyukwa unene oku tula oshimaliwa muudhano mbuka tawu ulike oshinge pethimbo lyongashiingeyi na owuna aadhani haya itulamo yo ohaya ihumbata nawa.

Okwati oyeli ya kwashilipaleka uudhano mbuka nokapandi N$ 22 500, omakopi  noombandi dhongushu yo N$ 6000.

Oyali wo  yi iyamba opo uudhadhano mbuka wu dhanenwe posikola yawo oshali moka oosipana dhali dha longitha uupale mboka wuli lela pamuthika gopashinanena.

Okwati oosipana odhindji odhili mompumbwe yoshimaliwa ye tati nando ongeyi onakuyiwa yuudhano woVolleyball moNamibia oyili momake omawaanawa oshoka oshilongo osha udha iitalenti.

LEAVE A REPLY

Please enter your comment!
Please enter your name here