Omulongi a dhipagwa kohonda ye onkulu

1
348

ONGWEDIVA-omulongisikola koshitopolwa shaMusati okwasi mehulilo shiwike ndika sho a yahwa nondjembo mombamba yoshipala kohonda ye onkulu eta si .

Omulongisikola posikola yedhina Omuthituweelo Combined School moshikandjohogololo shOutapi gwedhina Maria Nangula Shikongo gwomimvo omilongo ntano (50) okwali a dhipagwa kohonda ye onkulu ndjoka ya topoka naye mohole pa pwita lela ethimbo.

Shiikololela kuuyelele wopolisi, Rubem Nailenge Endjala omunamimvo 39 ngoka ali iha longo okwa  yaha omukiintu nguka nondjembo yamumwayina yedhina gladitol.

Okwa hokololwa kutya oshiningwanima shika oshali shaningilwa puukamba wedhina Otumbatumba kongulohi lela.

Nakufekelwa moshinima shika okwa ende oshinano shokilometa yimwe oshinkwanu ntano okuza poshiponga eta imangeleke nondhalate momuti.

Omudhimba gwanakusa nguka ogwali gwa itsuwa mosoondaha ongula kopolisi sho yali tayi mukongo.

Nakusa okwali a yahwa ashike lumwe momutse nokusa mpoka.

Oshiwike sha ziko mOmusati moshikandjohogololo shaKahao omwali mwa dhipagwa omukulupe gwoomvula omilongo heyali okwali a itsuwa asa mombete sho atsuwa nombele .

Okwa hokololwa kutya omukulupe nguka okwali ha kala megumbo nomulumentu gwomimvo kadhi shiwike na konima yoshiponga okwali a fadhu ka po.

Sigo okonena ndjika naku konaakonenwa oshinima shika ina monika oshoka opolisi ka yishi mpoka eli.

Moshitopolwa tuu omomuka omwali mwa lopotwa kutya omuniilonga gwomegumbo okwali a tsuwa eembele dhivulithe pomilongo mbali kohonda ye onkulu ndjoka wo oyo he yokanona ke koka nkelo.

Omulumentu nguka eli natango moshipangelo metonatelo lyopolisi okwali a itete nombele pomunino konima sho a mbothagula omukiintu gwe gwonale ngoka.

1 COMMENT

LEAVE A REPLY

Please enter your comment!
Please enter your name here