Onkalo yuunona wokOkaku ya hwepopala

1
472

OKAKU – Konima ashike yomasiku omashona sho kwali kwa kundanekwa uunona womomukunda Ondangi/Okamutyasha mOkaku wali tawu hege wafa omayoka naashino oshali sha ningwa sho anuwa wa  dhipaga eyoka ndyono yali ya adha mondjila yawo yokukakonga omeya.

Onkalo oya kala yu uka komeho aavali oya kala noku konga omakwatho koshipangelo ashike ohawu tipo owala kashona hwepo wo otawu tameke ishewe tawu hege ngaaka wafa omayoka ,mo muwo tamuzi omawi ga yoolokathana taga popi iinima yaashi ku pulakenwa.

Metitano lyoshiwike sha piti Omusita gwongeleka yedhina  True Gospel of Salvation Ministries mOshikango Erickson Festus moku uva oshinima shika shoonzi dha Kalunga tadhi mono iihuna okwali a ningi onkambadhala a ninge ekwatathano naavali yaanona mbaka ,oshoka okuna eitaalo kutya uunona owuna oombepo dha nyata nowa pumbwa oku mangululwa wo wu mone ekwatho.

Festus okwali a zi ko kOshikango Etitano ndyoka ye eye kOkaku iileko uunona mboka nokwali ayi nawo esiku ndyoka pamwe naavali yawo ye eke wu galikanene,opo shoka shili mu wo shi zemo wo wu kale wuli nawa. “Otwa li twa tameke okugalikana Etitano ndyoka sigo Omaandaha ongulonene,okuthika kwetu kOshikango sho omusita Festus a tameke okugalikana onkalo yuunona mbuka oya tameke tayi hwepopala, noombepo adhihe odhali dha tidhwamo nomagalikano,” Aavali taya popi ngaaka.

Uunona mbuno owali wa galulilwa kegumbo mOmaandaha,hono wali wa thindikilwa kosheendo shaasita yongeleka ndjika yaza kiitayi ya yoolokathana. Aasita mbaka oyali ya ende omagumbo agehe moka mwaza uunona nokugalikanenamo opo oombepo adhihe kaa dhi galukilemo we,wo uunona wu kale momagumbo wa manguluka.

Pamahokololo uunona mbuka owa kala monkalo tayi nyengathana naavali oya kala yeli momangwangwano molwa onkalo yaanona ndjoka inaayi hala ku hwepopala. Otaku hokololwa kutya pokati mpono sho uunona wa tameke tawu hege,naasho ya mono kutya koshipangelo inaku ya zila ekwatho oyali ya kambadhala ku ithana ondohotola yopashiluudhe ndjono yali anuwa yazi kOvenduka.

Ondohotola ndjono oyali ya kala mu limwepo lyomomagumbo tayi panga uunona wu mwepo waavali mboka. “Uunona owali wa langekwa kondje yegumbo wuli owala uule womasiku gaaali,wo tawu tsuwa nomunwe piitopolwa yawo nonande uukadhona opo anuwa wu aluke,wo tawu pangwa nee ngaaka konganga,onganga ndjoka oya li yetu pula oshimaliwa shomayovi gahetatu  N$8000.00 ,oya li ya uvaneke kutya otayi tu galukile ashike sigo okonena inayi galuka,”Gumwe gomaavali tati.

Nonande uunona mbuka wali wa ithanenwa onganga ndjika nokuya thigila elaka opo kaa ya lye yimwe yomiilyo yiinamwenyo,onkalo yawo kayali ya lunduluka nande osha. Owa li woo wa lithwa omahuli goondjuhwa omayihu ngono ga kala anuwa ga kakatela poothingo. Mo momagumbo omwali mwa thigwa mwa dhikwa nomwakundukidhwa nomandombo konganga ndjoka opo anuwa ngoka ta piyaganeke kee endemo we ,aavali oye wete kutya ndjino osima yowala noya tula iimaliwa yawo momeya.

Helena Paulus yina yokanona kamwe okwati ota gandja unene olupandu komusita Erickson ngono eya kwathele pambepo,nokwa longo oshilonga sha simana sho a galulile oonzi dha Kalunga uukolele wawo. Ta indile opo kehe ngoka te ki iyadha muupyakadhi ngaa mbuka kaa inekele oondohotola dhopamuthigululwakalo oshoka otadhi longitha aantu uuhwapindi. Uunona mbuno owali wa tameke ootundi dhawo nokuli mEtitatu oshiwike shika.

Aavali oya gandja olupandu lwawo olunene kaakwashigwana mboka ya kala nokuya yambidhidha osho okuya tula momagalikano noku yatsa woo omukumo ya kale noonkondo pethimbo lyuudhigu mboka yalimo nuunona wawo mboka wa ningi nokuli nomasiku itaa wuyi kootundi omolwa onkalo ndjoka. Opolisi yaShana oyati yo oya kambadhala ku fala uunona mboka koshipangelo wu mone ekwatho lyotango no kapuna oshipotha sha patululwa.

Oonkambadhala oku mona ngoka taku fekelwa kutya oye mwene gweyoka opo ando naye a tye ko sha odha hulile muunyengwi ,oshoka inapu monika ongodhi hoka ta vulu oku dhengelwa

 

1 COMMENT

  1. Ombepo yOmuwa nayi pangele mutse aaholike. Eitaalo lyetu nali kale mOmuwa mwene. Oonganga kadhishi ekandulepo lyomukundu nandenande, natu tonateni yAholike……

LEAVE A REPLY

Please enter your comment!
Please enter your name here