Ovanhu ve na oulema ova taalela omashongo

0
231

ONGWEDIVA – Okukala u na oulema wonhumba eshongo linene monghalamwenyo. Edi, oda tumbulwa komunamido 34 Constadius Simon odalele yokoShali moshitukulwa shaHangwena a twika manga a li okaana, ashike ina sholola okuyambula po onghalamwenyo yaye nokuninga keshe osho tashi dululika kounona vakwao  ounamesho.

Simon ta tumbula kutya, nande pa pita eedula 25 oshilongo sha manguluka, ovanhu ve na oulema ova kondekwa komashongo ve udite kutya vahapu vomuvo va dopa ondodo onhimulongo,ilo inava fika peenghatu donhumba dehongo ova patelwa pondje komauwa mahapu. Ovanaulema ngaashi ovanyasha, inava kwatelwa momashikulafano a tulwa po koNational Youth Service  ilo momashikulafano omapukululo omaulikilo okuhoolola omaifano. Ota ti ovanaulema vomesho kave lilwe po nge tashi ya keandjaneko louyelele woinyanyangidomwa moBraile.  Ovo va dula ku landa eengodi dongushu, ova tula mo eesoft wares ngaashi doMobile speak, Talks meengodi nokeecompiuter va dule ku mona omauyelele opefimbo.

Kakele koElectolar Commission of Namibia ECN, Anti-Corruption Commission of Namibia nehangano lilile po ovanhu ve na oulema oo omahangano anyanyangida omishangwa deendada doBraile, omanga moikandjolonga yepangelo nomahangano a nyama kepangelo kamu na ovakalelipo vovanhu ve na oulema ilo ve lile po ovanhu ve na oulema. A tameka ondodo yotete mEluwa 1989 fiyo  a ka twikila kosekundofikola yopombada yaGabriel Taapopi fiyo okoCollege yovahongi mOngwediva , okwe lihonga omalaka eendodo okudja kondodo 8 -10.Ota longo pamwe novanaulema vakwao, nande va taalela omashongo ove udite kutya ovanini mokamwaalu kovanhu ve na oulema moNamibia  tava tyapula oiimati yemanguluko onghee otava pula epangelo li pwilikine omakemo avo.

 

LEAVE A REPLY

Please enter your comment!
Please enter your name here