Agnes Tjongarero a thigipo Uuperesidende woNNOC

0
247

KuCarlos Kambaekwa

 

WINDHOEK – Ekwatathano lyethimbo ele pokati kOmunashipundi gwoKommittee yOlimpika ya NamIbia ,me Agnes Tjongarero, olya thiki pehulilo.

 

Opwa kala nale omapulapulo ngele Tjongarero okuna tuu we uuthemba okukala mewiliko lyoKommittee ndjika konima sho  a li a ulikwa kOmuperesidende nale  Hifikepunye Pohamba ongo oshilyo shOshigongi shOpashigwana omumvo 2009.Tjongarero okwa ningi Omutotiveta eendele moku ulikwa kOmuperesidende nale gumwe gwaa ulikwa ya hetatu mboka haya ulikwa kOmutse gwoshilongo.

 

Aagandji yuusama oya tameka ishewe okugandja omadhiladhilo gawo unene tuu sho Tjongarero eli Omuperesidende gwoNNOC , oshowo ha longo pamwe noKommissi yOmaudhano yaNamibia ndjoka yili kohi yUuministeli Womaudhano, Aagundjuka , Niilonga yOpashigwana.Tjongarero okwa ulikwa kOmuperesidende Omundohotola Hage Geingob a  kale Omupevi Minista mUuministeli Waagundjuka , Iilonga yopashigwana nOmaudhano. Onkene aagandji yuusama oye wete mpoka pena eipumomumwe miinakugwanithwa.

 

Sho a pulwa a tye ko sha komapopyo ngoka noshowo komagandjo goombedhi ngoka moshinima shoka , Tjongarero ngoka a li a kumwa kepulo ndika okwa yamukula mbala kutya ye okwa gandja  nale etseyitho lye kutya okwa ethapo iilonga yuuwiliki woKommittee yOlympika ya Namibia molwashoka ye okwa ulikwa Omupevi minista gwomaudhano.Okwa thigipo oshinakugwanithwa shoka nale nookuli.

 

Ompango ndjoka ya dhikapo Namibian Sports Commission (NSC) yomomumvo 2003 oshitopolwa oshititano 25 (b) (11) otayi utha kutya hamuntu a  pitikwa okukala mombelewa yomaudhano ngele ngoka okuli oshilyo shEgumbo lyopashigwana, shewiliko lyoshitopolwa nenge eli melelo lyaandja muni.

 

Omanga ompango onti-16 yoompango dhOlympika 1,5 otayi ti, iilyo yo NNOC kayi na okutaamba iinakugwanithwa okuza kepangelo, ehangano  nenge kongundu yimwe ndjoka tayi eta kutya iilyo mbika otayi ka imbwa yi longe iilonga yawo memanguluko.

 

Caption: Agnes  Tjongarero Ominista yOpevi mUuministeli wOmaudhano.Aagundjuka Niilonga yOpashigwana.

LEAVE A REPLY

Please enter your comment!
Please enter your name here