Calmethorn ota tungu omaumbo oshinanena mOutapi

0
222

KuHelvy Shaanika

ONGWEDIVA – Ehangano loCamelton Business Venture ola tokola oku kufa po omhumbwe yomaumbo koNooli eshi ta li tungu omaumbo mahapu mOutapi.
Selma Malwa Omukalelipo wehangano lo Remax monooli, olo li lile po omalandifo omaumbo neeplota konhele oyo paife ta i ifanwa oExtension 11 mOutapi, okwa holola okutya Camelthorm otaka tunga omaumbo eli 340, nomalandifo aa otaa ende lela nawa.
OExtension 11, oyo ta i ka tameka nokutulwa oiyakulifo ngaashi omalusheno nomeva, ota i ka kala onhela yeli kalekelwa, ya ziza nawa shaashi ota i ka twikwa omiti.
Kakele komiti domidile odo ta i ka twika konhele ipe, ovo tava ka mona omaumbo moExtension 11, ota va kakala yoo melao, eshi ita va kalongifa omalusheno, shaashi omaumbo avo otaa ka tulwa olusheno loketango hano olusheno lo sola.
“Katuna naana kutya olye twa hala va lande omaumbo ashike mopaife ovo va holola ohokwe youkulanda naavo va landa nale nokuli omaumbo koExtension 11, ovanyanya va dalwa mo 1979 fiyo ovovo va dalwa mo1990.
Osha yela kutya ovanyasha ovo otava lande omaumbo molwaasho ovo hava lesha oikundaneki, ashike keshe umwe ota dulu oku landa omaumbo aa, neenhele oko natango dili,” Malwa ta ti.
Malwa ta ti omaumbo aa otaa ka fikama po momaumbo oo elifikamena hano eefree standing houses nao elikwata kumwe.

LEAVE A REPLY

Please enter your comment!
Please enter your name here