Gumwe a hatwa posamende kumukwawo

0
251

KuMaria Namupala

OSHAKATI –Okakadhona koomvula 22, taka mono epango mOshipangelo shEpangelo mOshakati anuwa oka dhengwa nokusithwa ohoni mokati kaavu ooyakwao komukiintu omuAngola, ngoka anuwa eka egulula mokaiyogelo moka kali mo inaaka zala sha, eta ithana aavu ooyakawo yeye yeka ngundumanene nokuka lengithe.
Nelago Petrus ngoka a yambukile kOkahao okwa longelwa uushadha mbuka omukiintu omukwao ngoka naye wo ta mono epango lyoTB moshipangelo osho tuu shoka.
Petrus okwa kala ethimbo moombete nokwa hokololele oshifo shika kutya, metitano lyoshiwike shaziko okwali ayi mosauna yomosaala yawo,opo ando eki iyoge.
Nokonima omwali mweya omukadhona omukwashigwana gwAngola ngono a kala anuwa ta kondjitha a patululepo.
“ Omukadhona nguno okwa kala ta kondjitha a patululepo oshoka anuwa otandi iyogele mehala lye,okwali a undula omweelo etapu patuluka nokonima okwa ithana aantu yomosaala opo ye ye anuwa ya tale iitopolwa yandje oshoka onda adhika ndi ihula tandi iyogo,yamwe mboka yali yi ithanwa oyeya etaya kala ya thikama mpoka yo taya yolondje ihe,ashike opwali puna ngaa yamwe taya ti omukadhona ngoka ne edhilepo ashike okwa tindi,” Petrus tati ngaaka.
Okwa gwedhapo kutya molwaasho okwa adhika opo a tameke okwiiyoga okwa kala noku lombwela omukadhona ngoka opo a tegele ye ando a mane okwiiyoga ngele okwa hala tuu shili naye kwiiyoga,okwa kala anuwa ta kondjitha emu undulemo. “Yalwe yomosaala sho ya shuna koondunda dhawo okwali a kwatandje eta dhenge omutse gwandje posamende, ondali nde ehama noonkondo noombinzi odha kala tadhi tondoka,ngashingeyi ondateka omayego geli gaali agehe ga zamo nomulungu gwandje ogwa tatuka ngame ondeehama ishewe komutse,”Ta tsikileko.
Petrus ngono ta mono epango lye lyoTB okwati oshinima shika okwali eshi lopota kaapangi mboka yeya yemu kwathele sho a monithwa oshiponga shika komuvu omukwawo,nokwa tegelela a lalekwemo moshipangelo opo a ka patululile nakumulongela uushadha mbuka oshipotha tati oku uvite nayi noonkondo nokwa hala a popilwe.

LEAVE A REPLY

Please enter your comment!
Please enter your name here