Oshivilo oshitihetatu shomakolofishi moLuderitz

0
245

KuTuulikki Abraham

Luderitz – Oshivilo shomakolofishi osho hashi danwa odula keshe okuhovela eshi sha danenwe tete modula 2008, neudo otashi danwa okuhovela 3 – 6 Aprili 2015, koshi yo shi pala nyole “Otuhole efuta”.
Oshivilo eshi oha shi danwa odula keshe, noneudo ota shidanwa oshi kando oshitihetatu. Meya wo doolopa yaLuderitz, Suzan Ndjaleka okwa yandja efatululo taliti oshivilo shomaKolofishi osha lukilwa oludi loshi oyo ya pumba no ya fimana yoo va li oina ondilo, “ekolofishi”(Crayfish). Oludi loshi yatyangaha moNamibia ohaikwatwa ashike mefuta la Liindili, osho nee ya tumbalekwa ilukilwe oshivilo shokomudo shoku ulika oipindi mo Liindili. Omakolofishi okuna efimbo olo haakwatwa, okuhovela mefiku lo 01 November ndele fiyo 31 April.
Ovakwateli komesho melelo lo doolopa ya Liindili ovatulapo nee omulandu opo oshivilo shomakolofishi shi kale hashidanwa momwedi April omo oshikako shoku a kwata hashi xulile. Moshivilo shomakolofishi omo nee ovanangeshefa okudilila meni oshoyo kondje yoshilongo have uya okuulila nokulandifa oipindi yavo, efimbo eli olo yo omakolofishi haakala atelekwa nawa nokulandifwa kondado ili xwepo, shaashi oludi loshi yatyangaha oina lela ondilo.
Oshivilo sholudi eli oshina elalakano limwe alike ngaashi naanaa omauliko Oipindi haaningwa meedoolopa dayooloka moshilongo, nelalakano okuyambulapo odoolopa yokomunghulofuta oLiindili.

LEAVE A REPLY

Please enter your comment!
Please enter your name here