POnembenge pwa totwa ongundu yoWomen and Men Network

1
275

KuMaria Namupala

ONEMBENGE – Metitano lyoshiwike sha ziko olyali esiku lyondjokonona momukunda Onembenge moshikandjohogololo Onyaanya. Shino oshali sha hololwa sho pwali pwa totwa ongundu yelyenge lyahangana mokukondjitha iimbuluma.
Aakwashigwana oyali ya holoka opo yeye ya kale oombangi dhetotopo lyongundu ndjika. Esiku olyo tuu ndyoka ongundu ndjoka oyali ya mono edhina epe sho ya lukila Tatekulu Eddie Amukongo ngono eli woo mwene gwomukunda .
Pethimbo ta popitha aakalimo yomomukunda Onyati oshowo mboka yali ya gongala Omukuluntu gopolisi moshitopolwa shaShikoto Anne-Marrie Nainda okwali eshi yelitha kutya pOnembenge opwa totwa endiki lyokulwitha iimbuluma ndyono lya lukilwa Amukongo.
“Endiki ndino olya totwapo nelalakano lyoku kondjitha iimbuluma oshowo ku gwedhela ongushu kiinyangadhalwa yoku keelela iimbuluma mOshikoto, otuna ehalo enene opo iimbuluma moshitopolwa shetu yi shonopale,tse tu kale tuna ombili moshigwana,ookalyamupombo ohaya taambathana omauyelele mokulesha nokutala nkene oombudhi oonkwawo hadhi longele aantu yaana oondjo omiyonena,yamwe ohaya longitha iingangamithi opo ya longe iikulumuna,” Komisiona Nainda tati ngaaka.
Ta gwedhapo tati onkalo yuumbudhi moNamibia oya ninga oonkalamwenyo dhaantu dhi kale dhili moshiponga nolundji ihaya endewe ya manguluka oshoka oya tila okuponokelwa pamikalo odhindji. Nonande shili ngeyi Nainda ota holola kutya opolisi yaNamibia oyili uupathi noyi ilongekidha ku lwitha iimbuluma yoludhi kehe,tati oshinakugwanithwa shopolisi okukalekapo oveta,ombili nelandulathano,oku konakona omayono oshowo okugamena oomwenyo nomaliko gaakwashigwana ayehe.
Inspecta gopolisi yaNamibia Christian Fonseka ngono naye ali a holoka esiku ndyoka okwali a indile iilyo yelyenge ndyoka li ikwata moku kondjitha iimbuluma ,eya indile opo ya longele kumwe nopolisi yo ya kondjithe iimbuluma ayihe tayi inyenge moshilongo. Fonseka tati uuna pwa holoka sha momukunda nashi kale sha lopotwa mbala sho shi kandulwepo ngaashi tashi vulika.
Fonseka okwali azi nosheendo shiilyo yoNetwork kOvenduka opo yeye ya ninge oombangi petoto nelukilo lya Eddie Amukongo women and men network. Iilyo yonetwork mOshikoto oyali ya hangana muukumwe esiku ndyoka taya imbi noku itsa omukumo ya longe nuudhiginini yo ya kondjithe iimbuluma.
Omundohotola Eddie Amukongo okwali a holola enyanyu lye mokulukilwa endiki ndika lyo women and men network pOnembenge.

1 COMMENT

LEAVE A REPLY

Please enter your comment!
Please enter your name here