Rebecca Malope ota ka imba moNambia

0
305

 

Ku Pinehas Nakaziko

WINDHOEK-Omwiimbi gwoongalo dhopambepo omuSouth Africa, a tseyika nawa nedhina Rebecca Malope ota ka imba moNamibia muMei 31 pokapale okanene kEmanguluko mOlympia.

Ehangano lyoongodhi moNamibia lya tseyika nawa MTC olyo lya longekidha oshituthi shika okuhiya Rebecca opo ya dhane pamwe naye egwanitho lyomimvo 5 lyo NAMAs, ongokugandja omapapa kaahikingalo aaNamibia dhingi.

Ekandjo okwa popi tati, omuhikingalo ngoka ta ka sindana po ekopi ndyoka lyomuhikingalo gwoongalo dhopambepo dhingi, methigathano Etitano ndyoka tali kaningwa muMei  1-2, oye ta ka imba poshituthi shika.

Ekandjo okwa hiya aantu opo ya holoke momwaalu ogundji oku dhana esiku ndika noongalo ndhoka oontoye dhopambepo.

Rebecca omuhikingalo ngoka asindana omakopi ogendji monkalamwenyo ye, ngele tashiya moshipewa she shoongalo. Kakele ashike komakopi ngoka asindana, okwa imba miilongo yaadha pomulongo nasha, mwakwatelwa yimwepo yomuAfrica.

Rebecca okwa landitha ooaulbuma dhe dhaadha lwopo 32, ndhoka dhali dha landithwa nawa muAfrica alihe koonono.

Sigo oompaka Rebecca natango okuli a kwatako aakwashigwana oyendji miilongo ya yoolokathana noongalo dhe dhingi, ndhoka ha imbi  moShangaan, Tswana, Zulu nomOshiingilisa.

Rebecca okwa popi ishewe kepandja lye lyoFacebook tati ye oha kambadhala aluhe oku eta iilya yaKalunga popepi naantu tashi pitile moongalo dhe.

Ekandjo okwati uutekete owuli kombiliha koComputicket opo omwaalu gwaakwashigwana guholoke ogundji.  Uutekete owuna N$ 50 omanga waasimanekwa owuna oN$150.

Caption: (Rebecca) Omuhikingalo ngoka omuSouth Africa Rebecca Malope ota ka imba moNamibia.

 

LEAVE A REPLY

Please enter your comment!
Please enter your name here