Rundu Chiefs a galukile moLiha yopombanda

0
201

Komutoolinkundana

KATIMA MULILO – Ospana yoRundu Chiefs ndjoka hayi ningi ya shuna pevi ye ya pombanda muudhano woMTC Premiership oya galukile ishewe moLiha yopombanda moka ya li ya gu omumvo guudhano gwa piti.

Chiefs, ngoka hadhanene moliha yopondondo yotango yoKuumbangalantuzilo oya adha okuya kondondo yopombanda moLiha ya MTC moshilongo. Shika oye shi ningi konima yokudhengamo ospana onkwawo ndjoka hayi dhana moliha yopondondo yotango pevi, yedhina Kingfisher yomoKatima Mulilo ehulilo shiwike lya piti.

 

Aatalelipo oya tulamo ookoola mbali no inaa ya tulilwamo sha mokudhenga ospana yetanga lyokoompadhi wo ndjoka na yo tayi kondjo okuya koLiha yOpomdanda ngele otashi vulika.Ospana ndjika yokoKatima Mulilo oyo ontiyali momusholondondo gwoospana dhokoKuumbangalantuzilo.

Esindano lya Rundu-Chiefs otali ti ndjika ita yi adhika we nando okonkwawo omolwa epapa moshitopolwa shoka molwashoka ndjika oyi na iitsa omulongo nashimwe pokati kayo naandjoka ya landulamo.Kokutya Kingfisher nando ona fule muule shithike peni okwena okwa Rundu Chiefs shitya ookuku yonale.

 

Nonando Chiefs kali ta dhanene megumbo moka muna omulilo gwe, ospana ndjika mewiliko nomedheulo lya John Sikerete, oya li ya yi muudhano mbuka ya pumbwa ashike okudhana shi thike pamwe nomukondjithi gwayo, opo yi mone iitsa mbyoka tayi, yi fala koLiha yoPombanda moshilongo.

Chiefs oyo ya kala tayi ti pii moshitopolwa shetanga lyokoompadhi moshitopolwa shoKuumbangalantuzilo omumvo aguhe guudhano, konima sho ya li ya shuna mbala kondondo ndjoka okugwa puule pombanda moLiha yopashigwana omumvo 2014.

 

“Epangelo”, ngaashi Rundu Chiefs hayi ithanwa kaayambidhidhi yawo yoshili oya li ya tulamo ookola mbali medhingoloko lyotango , dha thangelwamo komudhani gwopokati Katjukua Vasekua mominute 27, sho a henuka omukwati ngoka a li ta kambadhala okuya a kwate etanga ndyoka noku li thangelamo nawa.

 

Konima ashike yominute omulongo nagumwe sho nguka a thangelemo etanga lyotango, Horaseb Barnard okwa mono ompito ontiyali okulyatelamo etanga etiyali nongeyi okwa eta eyalulo muudhano mbuka li kale ookoola 2-0 .Esindano ndika olya kwashilipaleke eshuno lyospana yoRundu Chiefs koLiha yOpombanda, lyo ishewe olya ulike kutya Rundu Chiefs oye ta panga ngele tashiya muudhano  wetanga lyokoompadhi moshitopolwa shoKuumbangalantuzilo.

“Epangelo” kehe ethimbo ohali ningi lya yi pombanda lya gu pevi nonando ohali dhana shi li ngaa pokati muudhano woliha yopashigwana.

Nando ospana ndjika ohayi tilika moshitopolwa shokUumbangalantuzilo, yo ishewe ndjika oya etapo aadhani dhingi mospana yopashigwana ngaashi Petrus “Dancing Shoes” Shitembi, ndjika ohayi nana aluhe nuudhigu uuna tayi dhanene moLiha yopombanda yopashigwna, onkene olundji oha yi kalamo ashike oshikako shimwe moLiha ndjoka yo otayi gumo ishewe okushuna pevi. Yo tayi hitulukako ishewe.

Caption: Chiefs Celebrates jpg –

Ospana ya Rundu Chiefs ndjoka hayi ningi ya londo ya gu moMTC Premiership, oya galukila ishewe moLiha yopombanda konima yesindano lyayo ehuliloshiwike lya piti.

Caption: Cheque Handover –

From left: Jesaya Nangolo (omunashipundi gwo Rundu Chiefs), Nuyoma Oiva (Omuwiliki gwospana ), Sevelinus Muteni (kapitiya kospana) Sikerete John (omudheuli gwospana) Mbukusa Mbeha (oshilyo sho North East First Division)ta halelele aadhani yo Chiefs omayambeko molwegalukilo lyawo moLiha yOpombadna ya MTC Premiership. Konima okwa thikama iilyo yewiliko lyospana ndjika Kosta Kulumbela na Nakumbwata Fillemon.

 

 

 

 

 

LEAVE A REPLY

Please enter your comment!
Please enter your name here