Suzy Eises agaluka

0
318

Ku Pinehas Nakaziko

WINDHOEK – Okakadhona okaNamibia  hoka ha ka imbi oongalo dhoJazz kamana kandongo, kedhina Suzy Eises, osho ka galukile moshilongo konyala sho kaningi ethimbo ta ka ilongo oongalo moAmerica.

Suzy okweya opo a ulikile aahikingalo ooyakwawo aaNamibia shoka a ilongo pondje yoshilongo, nelalakano oku tula oongalo dhoshiNamibia pamuthika gwopombanda.

“Oshasimana noonkondo oku ulika uunongo woye mboka wa ilonga pamwe naahikingalo ooyakweni oshoka otashi vulu oku tula oongalo dhoshiNamibia pamuthika gwopombanda. Osha pumbiwa ishewe oku kaleka aanyasha yaNamibia opo kaayakale momapandaanda unene tuu mboka yena iitalenti ya yoolokathana,” Suzy tati.

Suzy ngaashingeyi ota gandja ootundi dhokudhana uuhumba nuuSaxophon, mwakwatelwa iiketala. Okwa hala ishewe opo a kale akwathela aantu oyendji moNamiba manga inaashuna ishewe kosikola ye omwedhi twa uka.

“Ondahala ishewe okutameka te ta lele po oosikola noosikola dhomoshilando opo ndi kwathele aanasikola naashoka tevulu okuninga. Ondishishi kutya ethimbo eshona shili ashike onda hala ngaa okupondolasha manga ethimbo lyandje lyokushuna inaalyaadha,” Suzy tati ngaaka.

Suzy okakadhona hoka okanankondo  nokashona.  Okwali ahiti osikola ye yoongalo omvula yimwe ishewe moLondon omvula yo2009 sigo 2010. Suzy okwa longa naahikingalo oyendji aaSouth Africa ngaashi DJ Groove Candi ngoka ali akwathela mokangalo ke kedhina Idecided.

Okwa imba ngaashi pomayinyanyudho gwoOld Mutual Jazz Encounters mo2011, Windhoke Jazz Festival moka woo alia mono ompito oku imba pamwe naahikingalo ngaashiJimmy Dludlu naSimphiwe Dana.

Caption: (Suzy) Suzy Eises ngoka eya atokola

 

 

LEAVE A REPLY

Please enter your comment!
Please enter your name here