Tu ituliimo mokudhana oomuvi dhOshiwambo

0
330

ONDANGWA : Omudhani guumuvi wOshiwambo a tseyika nedhina  Max Msati natango osho a pititha kamwe komuuholikemovi we.Msati oye gumwe  gomaagundjuka mboka haya tokola omahuli gaapulakeni nuumuvi womaludhi ga yoolokathana, nuumovi  mbono wu holike kaakwashigwana.

Max  okwa yambukile moshikandjohogololo Onayena oha dhana uumovi womaludhi ga yoolokathana. Pethimbo ndino okwa dhana okamovi taka ithanwa Ohango ya Akoomena. “Pakamovi hano Akoomena omulumentu a kala ha longele kOmbaye nolundji okwa kala hi inomo ye ta popi iinima mbyoka kee hena. Okwali a kongelwa omukadhona kaavali ye ngaashi kwa li hashi ningwa pamuthigululwakalo,okwa li a longekidha ohango ye mwene oshoka okwali e wete kutya anuwa okwii gwana no ina pumbwa ekwatho lyomuntu,” Max tati.

Ohango sho ya thiki oyali yayi kongeleka ashike Akoomena okwa kala owala ta ndaanisa ye  a pulakena koongalo koradio ndjoka a kala a tula pokutsi sho omusita ta hokanitha. Ehokanitho sho lyapu oyali yayi kegumbo yo ya katyapule nawa ohango yawo. Akoomena okwa tameke oku topolela aantu iikulya oshowo omalovu nonande ali a lombwelwa a gundjile okwati okuna ku longa oshoka ohango oye mwene na ina pumbwa okupangelwa.

“Elalakano lyandje lyokudhana uumuvi,ondina ohokwe nondahala ndi longithe uunongo nuunkulungu mboka nda pewa ngame ndi ulikile oshigwana shoka ndinapo onda dhana ngaashingeyi uumuvi ngaashi Omindamba,Uukodhi oshowo Iihuna, olundji muumuvi wandje onda dhana naantu yopomudhingoloko ndeya hogolola owina,Ohango ya Akoomena oko kamwe

Okwa ti okwa tameka okudhana iinyandwa  yoludhi nduka mo 2010 ,mono omo a pititha oka movi ke kotango. Tati nonande etameko aluhe ihali kala epu okwali a longo nuudhiginini opo eka ete poshitaafula,nokamovi komandamba okali ka tokola omahuli goyendji

Max tati okuna edhiladhilo opo monakuyiwa ya totepo ethigathano lyaadhani yiinyandwa/muvi,mono taku kalwa taku talwa omunyandidhingi,tati shino ando otashi kala hashi ningwa aluhe kehe omvo, tati aagundjuka naya kambadhale ya kale nokudhana uumovi yo ya gandje etumwalaka tali opalele okupitila miinyandwa yomaludhi ga yoolokathana.

Ohango ya Akoomena oya pitile pehulilo lyomwedhi gwaziko naangu eyi pumbwa naye kehe mpoka hapu landitha uuDVD nuuCD opo teka adha.

Caption :muvi,\

Max Msati omudhani gwookino melaka lyOshiwambo tapopi kombinga yokakino okapi hoka taka popi Ohango yAkoomena omumati gwokOmbaye.

LEAVE A REPLY

Please enter your comment!
Please enter your name here