Young Chiefs okuna onakuyiwa nande a dhengwa mo moBidvets

0
234

KuShipi Elago

OSHAKATI-Nando Osipana yo Young Chiefs oyali ya dhengwamo mekopi lyo Bidvest Cup ehuuliloshiwike lyazako natango oyina onakuyiwa ombwaanawa Daniel Shuumbwa tati.

Young Chiefs ndjoka yili tayi dhana uudhano tawu tilitha methimbo lyongashika Sam Nuujoma nookoola ndatu muyimwe.

Shuumbwa okwati oyali ya kanitha uudhano mbuka molwa uupuko uushona mboka wali waningwa kaadhani yokonima molwontseyo ndjoka yili pevi yokudhana puudhano wopamuthika gopombanda.

Shuumbwa ngoka eli omupevi dheuli gosipana ndjika okwati paife sha thigalako osho oku sindanapo uudhano wawo uyali woliha opo yaye yakadhane uudhano woPremier league omumvo gokatanga tagu landula.

Okwa ti Young Chiefs oyo osipana yoshigwana na oyili yatulapo nale oompangela dhoku nkondopaleka osipana na oyeli ya tulapo omilandu ndhoka tadhi lelepeke onkalamwenyo yosipana ndjika yina ondjokonona ngele otashiya miitopolwa yokoNooli.

Tati ota ya kaninga omalolelo okumuna aadhani okuza kiitopolwa ayihe yokuumbangalantu.

Young Chiefs okwa taalela omaudhano geli gaali gasimana moka ngele okwe ga sindanapo ota kamona ompito yaandjuka okuya koliha yo MTC Namibia Premier League momumvo tuuka.

Otaya ka taalela osipana yoYoung Stars kOshikuku omanga uudhano wawo wahugunina naamboka wuli wasimana otaya ka taalela osipana ndjoka tayi vulu okukuthapo ompito yaywo yoko premier league yo Golden Bees.

 

Caption: kaskas

Osipana yo Young Chiefs pethimbo yali tayi ilongekidhile uudhano wo Bidvest Cup.

LEAVE A REPLY

Please enter your comment!
Please enter your name here